ABŞ tərəfindən müxtəlif məhdudiyyətlərə məruz qalaraq Çin smartfon bazarında olduqca geriləyən Huawei yenidən ilk beşliyə daxil olub. Belə ki, texnologiya nəhənginin yeni təqdim etdiyi Mate 60 seriyası olduqca uğurlu alınıb. Canalys bazar araşdırma şirkətinin hesabatına görə Huawei 47% artım ilə Çinin smartfon bazarında ciddi uğur əldə etməyi bacarıb. Bundan əlavə Apple ilk dəfə Çinin illik smartfon satışları hesabatında ilk sırada yer alıb.
Canalys mənbəsinin paylaşdığı hesabata görə ilk beşlikdə müvafiq olaraq Apple, Honor, Vivo, Huawei və Xiaomi dayanır. Habelə, Huawei şirkəti ötən il ilə müqayisədə Çin smartfon bazarından 47% daha çox smartfon tədarükü edərək ilk beşliyə daxil olub. Hətta texnologiya nəhəngi Xiaomi-ni də ötməyi bacararaq 4-cü sırada q ərarlaşa bilib. Apple şirkəti isə ötən ilin dördüncü rübündə 6% artım ilə 17.5 milyon smartfon tədarükü həyata keçirməklə liderlik edib.
İkinci yeri isə 16% bazar payı və 11.7 milyon smartfon satışları ilə Honor brendi tutub. Həmçinin 3-cü sırada 11.3 milyon smartfon tədarükü ilə Vivo dayanır. Onu da qeyd edək ki, 2023-cü il üçün Çində smartfon tədarükü 273 milyon ədəd azalaraq 5% geriləyib. Həmçinin Apple şirkəti ilk dəfə olaraq illik tədarük cədvəlində liderliyi əldən buraxmayıb. Yekun olaraq isə texnologiya nəhəngi 19% bazar payına sahib olub. Bu dəfə isə illik tədarükdə Huawei yerinə Oppo ilk beşlikdədir.
