Proqram təminatı nəhəngi Microsoft bu yaxınlarda qısa müddətlik Apple şirkətini geridə qoyaraq yenidən dünyanın ən dəyərli şirkəti olmağı bacardı. Süni intellekt tərəfinə etdiyi investisiyalar ilə diqqət mərkəzində olan Microsoft bazar dəyərini əhəmiyyətli dərəcədə artırdı və dünyanın ən dəyərli şirkətini ötərək liderliyi ələ almağı bacardı. Qısa müddət də olsa Apple siyahıda geridə qalıb. Bunun əsas səbəbi isə Çindəki iPhone satışlarının zəifləməsi nəticəsində Apple hissələrinin ucuzlaşması olub. Məhz bu Apple şirkətinin bazar dəyərinin 162 milyard dollar azalmasına səbəb olub.
Ümumiyyətlə Microsoft şirkətinin OpenAI ilə birlikdə süni intellekt tərəfində bir çox investisiyalar etdiyi artıq hərkəsə məlumdur. Hətta məhz bu maliyyə dəstəyi sayəsində ChatGPT indi dünyanın ən çox istifadə edilən və ən ağıllı süni intellekti hesab olunur. ChatGPT çatbotunun bir çox texnologiya şirkəti tərəfindən də istifadə edilməsi Microsoft şirkətinin birbaşa olaraq investisiyalarının dəyərlənməsinə və şirkətin dəyər qazanmasına səbəb olub. Hətta Microsoft Apple şirkətini belə ötə bilib.
Qeyd edək ki, Brand Finance tərəfindən paylaşılan 2023-cü ildə dünyanın ən dəyərli brendləri siyahısında isə ilk sırada 299.3 milyard dollar ilə Amazon olub. İkinci yerdə texnologiya nəhəngi Apple (297,5 milyard dollar), üçüncü yerdə internet nəhəngi Google (281,4 milyard dollar), dördüncü yerdə proqram təminatı nəhəngi Microsoft (191,6 milyard dollar) və beşinci yerdə iri alış-veriş şəbəkəsi Walmart (113,8 milyard dollar) qərarlaşıb.
