Ümumiyyətlə Tetris oyunu yəqin ki, hərkəsin ən azı bir dəfə oynadığı oyunlardan biridir. Əvvəllər bu oyun yalnız süni intellekt tərəfindən tamamlanırdı. Oyunu bitirmək üçün bütün verilən daşları uyğun şəkildə yerləşdirərək onların sayının çoxalmasının qarşısını almaq lazımdır. 13 yaşlı Willis Gibson, Tetris oyununu insan əli ilə tamamlayan ilk şəxs kimi tarix yazıb. Onun bu oyunu bitirdiyi anlar isə YouTube sosial şəbəkəsində gündəm olub.
Blue Scuti ləqəbi ilə tanınan Willis Gibson orijinal Nintendo NES konsolunda klassik Tetris oyununun ilk halını bitirməyi, çətin də olsa bacarıb. Hətta 13 yaşlı qəhrəmanımız bütün yorğunluqlara və çətinliklərə baxmayaraq oyunu oynamağa davam edib. Yekunda isə bütün əziyyətlərə tab gətirən 13 yaşlı Willis Gibson Tetris oyununu bitirən ilk insan kimi tarix yazıb. Gibson Tetris-də əvvəllər müəyyən edilmiş bütün rekordları qırmışdı. Hətta o, dünya çempionatının yarımfinalında öz rekordunu da qırmağı bacarmışdı.
Qeyd edək ki, Blue Scuti ləqəbli oyunçunun Tetrisi bitirməsi təxminən 38 dəqiqə çəkdi. Qeyd edək ki, bu uğura çatmasında oyun konsolunu daha sürətli istifadə etməsinə imkan verən yuvarlama texnikası və hiper toxunma üsulu böyük rol oynayıb. Yayımlanan videoda sonlara yaxınlaşdıqca uşağın getdikcə gərginləşdiyini görümək mümkündür. Tetrisin sonuna çatmağı bacarandan sonra isə o, “Aman Allahım, hə! Mən huşumu itirəcəyəm. Barmaqlarımı hiss etmirəm, əllərimi hiss etmirəm” ifadələrini işlədib. Willis Gibson bu uğurunu dekabrda dünyasını dəyişən atasına həsr edib.
