UNEC Startup İnkubatorun 30 oktyabr tarixində başlatdığı və ümumi 20 startup komandanın iştirak etdiyi 6 həftəlik intensiv “BootSTART-2” proqramının ənənəvi “Pitch day” tədbiri 22 dekabr saat 14:30-da UNEC-in III tədris binasında baş tutdu. Keçirilən tədbirdə İnnovasiya və Rəqəmsal İnkişaf Agentliyi, ABB Innovation, Innoland, SUP.VC, Tech.az media, Tedroid, Coders Azerbaijan və digər ekosistem oyunçuları iştirak etdilər.
“BOOTSTART-2” proqramının iştirakçıları olan startup komandalar öz startuplarını münsif heyəti qarşısında təqdim etdilər. Münsiflərin startup ideyalarını dəyərləndirməsindən sonra seçilən TOP8 komanda UNEC Startup İnkubatorun növbəti “İnkubator+” proqramına keçid etdilər.
“İnkubator+” proqramında iştirak edəcək TOP8 startup komanda ofis rezidentliyi, hostinq və server dəstəyi ilə təmin ediləcək. TOP8 startup daxilindən bazara hazır məhsulu ən tez çıxara bilən (MVP) TOP5 startup komanda isə ilkin toxum investisiya ilə təmin olunacaqlar.
