Təxminən 1 il əvvəl gündəmi zəbt edən YouTuber indi həbs cəzası alıb. Belə ki, Trevor Jacob adlı YouTuber idarə etdiyi təyyarəni qəsdən qəzaya uğratmışdı. Pilotluq vəsiqəsi olan Jacob YouTube platformasına yüklədiyi “Mən Təyyarəmi Qəzaya uğratdım” başlıqlı video ilə 4 milyondan çox baxış toplamışdı. Habelə bu video onun dərhal saxlanılmasına səbəb olmuşdu. İndi isə təyyarəsini qəsdən qəzaya uğradaraq video çəkən YouTuber Jacob artıq 6 aylıq həbs cəzası alıb.
Qeyd edək ki, videoda Jacob tək mühərrikli kiçik təyyarədən nasazlıq yarandı bəhanəsi ilə əlində selfie çubuğu ilə birlikdə tullanmışdı. Daha sonra isə Jacob bunun tamamilə uydurma olduğunu da etiraf etmişdi. Aparılan istintaq araşdırmaları çərçivəsində isə Jacobun təyyarəni sadəcə bir şirkətin məhsulunu sponsor kimi tanıtmaq məqsədilə təyyarəni bilərəkdən qəzaya uğratdığı və bununla da milyonlarla baxış əldə etmək istədiyi ortaya çıxıb. ABŞ Federal Aviasiya Administrasiyasının 2022-ci ildə apardığı araşdırmadan sonra o, pilot lisenziyasını da itirmişdi.
O cümlədən adminstrasiya Jacobdan təyyarənin qalıqlarını istəsə də, o bunun hara düşdüyünü bilmədiyini bildirib. Hadisədən 2 həftə sonra isə pilot dostu ilə Los Padres Milli Meşəsindən dağıntıları tapıb. Bununla da məlum olub ki, Jacob təyyarənin harada qəzaya uğradığını dəqiq bilirdi. O, bunu hər detalına qədər planlamışdı. Ədliyyə Nazirliyindən bu məsələ ilə bağlı verilən açıqlamada Yaqubun havaya qalxdıqdan təxminən 35 dəqiqə sonra təyyarənin tam gücünü itirdiyini bildirərək yalan ifadə verdiyi bildirilib. acob həmçinin FAA aviasiya təhlükəsizliyi müfəttişinə təyyarənin mühərrikinin dayandığını və təhlükəsiz eniş variantını tapa bilmədiyi üçün təyyarədən paraşütlə düşdüyünü deyərək də yalan danışıb. Əslində bütün bunlar onun 20 ilə qədər həbs cəzası almasına bəs edə bilərdi. Lakin hakim insaflı davranaraq ona pis məqsədi olmadığı və faciə yaşanmadığı üçün 6 ay həbs cəzası verib.
