Elon Musk tərəfindən idarə edilən SpaceX şirkəti indi mobil rabitə tərəfində inqilabi yenilik edib. Belə ki, ABŞ Federal Rabitə Komissiyası yəni FCC smartfonlar və Starlink peykləri arasında birbaşa əlaqənin yaradılmasına icazə verib. Lakin Federal Rabitə Komissiyası SpaceX şirkətinə bəzi məhdudiyyətlər də tətbiq edib. Artıq şirkətlər smartfonlarını baza stansiyası missiyasını görən peykə bağlayaraq birbaşa mobil rabitə xidmətindən istifadə edə biləcək.
SpaceX şirkətinin uzun müddətdir ki, Starlink layihəsi çərçivəsində yeni peykləri kosmosa buraxdığı artıq hərkəsə məlumdur. O cümlədən texnologiya nəhəngi daim yeni ölkələrdə öz peyk internet xidmətini təqdim edirdi. İndi isə birbaşa olaraq smartfonlar Starlink peyklərinə qoşulacaq. Yeni qərara görə şirkət kosmosa buraxıldıqdan sadəcə 10 gün sonra və ya daha qısa müddət ərzində peyk antenalarının işləmə qabiliyyətini sınaqdan keçirmək üçün 1910-1915 MHZ və 1990-1995 MHZ tezlik diapazonlarından istifadə edə bilər.
ABŞ Federal Rabitə Komissiyası smartfonların birbaşa starlink peyklərinə qoşulmasını təsdiqləsə də, şirkətin qarşısına sadəcə bir şərt qoyub. Belə ki, Space şirkəti bu sınağı həyata keçirərkən kiçik bir nasazlıq və ya radio müdaxiləsi aşkar edilərsə dərhal araşdırma dayandırılacaq. Bu tədbirlər mövcud telekommunikasiya sistemlərini yeni texnologiyaların potensial təsirlərindən qoruyur. Çünki, kiçik bir müdaxilə ilə ABŞ telekommunikasiya sistemləri zərər görə bilər. Məhz bu səbəbdən də komissiya bu araşdırmanı yaxından izləyəcək.
