NASA, 30 ildən artıqdır xidmətdə olan Hubble Kosmik Teleskopunun texniki səhv ucbatından fəaliyyətini dayandırdığını və bütün elmi əməliyyatların yarımçıxq qaldığını açıqladı. Qeyd edək ki, 1990-cı ilə istifadəyə verilən kosmik teleskop 33 ildən artıqdır ki, kosmosu müşahidə edirdi. Bir çox mühüm kəşflərə imza atan Hubble hazırda giroskop səhvinə görə çətin günlər yaşayır.
NASA öz bloq yazısında bildirib ki, agentlik davam edən giroskop problemi səbəbindən 23 noyabrda təhlükəsiz rejimə keçdikdən sonra Hubble Kosmik Teleskopunun elmi əməliyyatlarını yenidən aktivləşdirmək üçün çalışır. Maraqlısı budur ki, 33 ildir fəaliyyət göstərən kosmik teleskopun bütün hissələri sağlamdır. Sadəcə texniki səhvə görə Hobble fəaliyyətini yarımçıq dayandırıb. Belə ki, NASA Hubble-ın üç giroskopundan birinin səhv ölçmələr verdiyi üçün təhlükəsiz rejimə keçdiyini bildirdi. Ümumiyyətlə Giroskoplar teleskopun fırlanma sürətini ölçür və onlar vasitəsi ilə teleskopun hansı istiqamətə yönəldiyi təyin edilir.
Apple ilk olaraq 19 noyabr tarixində təhlükəsiz rejimə keçid edib. Əməliyyat qrupu ertəsi gün müşahidələri davam etdirmək üçün kosmik teleskopu uğurla bərpa etsə də, davam edən giroskop problemi Hubble-nin fəaliyyətinə maneə olub. Hazırda problem yenidən test edilir. Lazım gələrdə kosmik teleskop bir giroskopla işləmək üçün yenidən konfiqurasiya edilə bilər. Xatırladaq ki, sonuncu dəfə 2009-cu ildə Hubble-a 6 yeni giroskop quraşdırılıb. İndi isə onlardan sadəcə 3-ü işləkdir.
