Xəbər verdiyimiz kimi, Google istifadə olunmayan hesabları bağlamaq istəyirdi. Beləliklə bugündən etibarən internet nəhəngi Google istifadə olunmayan hesabları bağlayır. Google 2020-ci ildə serverlərini yüngülləşdirmək üçün qeyri-aktiv hesablarda saxlanılan məzmunu siləcəyini bildirmişdi. Belə ki, burada şirkət hesabı deyil, yalnız hesabla əlaqəli məzmunları silirdi. Ötən ay isə Google bu siyasətini yeniləyərək istifadə olunmayan yəni qeyri-aktiv hesabların birbaşa özünü siləcəyini açıqladı. Bugün isə Google siyasətini uyğun olaraq ilk addımını atacaq.
Google may ayında etdiyi açıqlama ilə istifadə olunmayan hesabların sahiblərinə səslənmişdi. Belə ki, internet nəhəngi sadəcə 1 dekabr tarixinə qədər onlara vaxt vermişdi. Yeni aydan etibarən isə bu hesabların tədricən bağlanacağını bildirmişdi. İndi isə Google bugündən həmin istifadə olunmayan hesabları bağlayır. Əgər hesablar ən azı 2 il istifadə olunmayıbsa və ya hesabda heçbir aktivlik görülməyibsə Google bu hesaba aid məzmunları və hesabın özünü siləcək. Belə ki, hesabın aktivliyi dedikdə bura Gmail, təqvim, disk, sənədlər və digər proqramlardakı aktivlik də nəzərdə tutulur.
Google hesabları silmədən əvvəl də istifadəçilərə çoxlu sayda bildiriş göndərəcək. Onu dan qeyd edək ki, Google bəzi istisnalar edəcək. Məsələn, şirkət hazırda YouTube videoları olan hesabları silməyi planlaşdırmır. Bu, əslində məntiqli bir addımdır, çünki video köhnə olsa da, bir çox insana fayda verə bilər və illər keçsə də yüksək baxışlar qazana bilər. İndiyə qədər izah etdiyimiz bütün bu prosesləri şəxsi hesablara tətbiq edəcək şirkət, iş və məktəb hesablarını hələlik prosesdən kənar edir.
