Kriptovalyuta bazarına rəhbərlik edən ən böyük birja olan Binance birjasının qurucusu Changpeng Zhao istefa verib və məhkəmə qarşısına çıxacaq. Belə ki, kriptovalyuta bazarında nəzarətsiz satışlar, nizamsız kütləvi təkliflər, manipulyasiyalar, sanksiyalara əməl edilməməsi və çirkli pulların yuyulması kimi mövzularda davamlı olaraq güc tətbiq etməyə çalışan ABŞ nəhayət istədiyinə nail oldu. İddialara görə ən böyük kriptovalyuta birjasının qurucusu və hazırkı rəhbəri olan Changpeng Zhao verib.
Beləliklə Binance qurucusu Changpeng Zhao istefa verdikdən sonra Kriptovalyuta dünyasında yeni dövr başlayıb. Gündəlik əməliyyat həcmi təxminən 15 milyard dollar olan və ən çox qazanan kriptovalyuta birjası olan Binance bir vaxtlar qurucusu Changpeng Zhao-nu 90 milyard dollar sərvəti ilə ən zəngin insanlar sırasına çıxarmışdı. Məhz bu uğuru görən ABŞ qurumları isə öz təzyiqlərini artırmağa davam etdilər. Uzun müddət davam edən məhkəmə çəkişmələri və araşdırmalardan sonra Binance mübarizədən məğlub ayrılıb. Changpeng Zhao-nun çirkli pulların yuyulması ilə bağlı öhdəliklərini yerinə yetirməmək ittihamını qəbul etdiyi və istefa verdiyi iddia edildi.
Qeyd edək ki, bu istefanın ABŞ Müdafiə Departamenti ilə Binance arasındakı razılaşmanın kiçik bir hissəsi olduğu da iddia edilir. Razılaşmanın digər şərtlərinə görə Binance birjası 4,3 milyard dollar təzminat müqabilində ona qarşı ittihamlardan azad olacaq. Lakin Changpeng Zhao ilə bağlı olan iddialar hələ də qüvvədə qalır və o məhkəmə qarşısına çıxarılır. Ümumiyyətlə Binance birjası tamamilə Changpeng Zhao rəhbərliyində fəaliyyət göstərirdi. Hazırda birjadakı proseslərin necə davam edəcəyi məlum deyil.
