Qatlana bilən telefonlar artıq standart smartfonları əvəz etməyə başlayıb. Samsung Galaxy Z Fold 4–ün xüsusiyyətləri və qiyməti ortaya çıxdı.
Galaxy Z Fold 4-ün xüsusiyyətləri və qiyməti haqqında
Yeni Galaxy Z Fold modelinin Snapdragon 8 Plus Gen 1 çipseti ilə təqdim ediləcəyi sızan məlumatlar arasındadır. Snapdragon 8 Plus Gen 1-də 3,19 GHz tezliyində işləyən bir Cortex-X2, 2,75 GHz tezliyində işləyən üç Cortex-A710 və 1,80 GHz tezliyində işləyən dörd Cortex-A510 nüvəsi var. TSMC-nin 4nm texnologiyası ilə istehsal edilən çipset Adreno qrafik çipinə malikdir.
Bildirilir ki , Dynamic AMOLED 2X Galaxy Z Fold 4 modelinin hər iki ekranında istifadə olunacaq . Cihazın əsas ekranı 7,6 düym olub QXGA Plus təsvir ölçüsünə sahibdir. 374 PPI piksel sıxlığına sahib olduğu bildirilən əsas ekran 2208× 1768 piksel təsvir ölçüsünə malik olacaq. Xarici ekranın ölçüsü 6,2 düym və HD Plus təsvir ölçüsünə sahib olacaq. 387 PPI ilə gələcək xarici ekranın təsvir ölçüsü 2268×832 piksel olacaq.
Galaxy Z Fold 4-ün ən əhəmiyyətli dəyişikliklərdən biri yaddaşdır. Samsung, Galaxy Z Fold 3 modelində yaddaş kartı dəstəyini ləğv etdi. Sızdırılan məlumata görə yaddaş kartı dəstəyi olmayacaq, amma Galaxy Z Fold 4-ün 1 TB yaddaş variantı olacaq. Galaxy Z Fold 4 modelinin 12 GB və 16 GB RAM variantları ilə təqdim ediləcəyi bildirilir. Yaddaş tərəfində 256 GB, 512 GB və 1 TB olmaqla üç seçim veriləcək.
Üçlü kamera ilə gələcəyi təxmin edilən model 50 Meqapiksellik əsas kamera, 12 MP ultra geniş bucaqlı kamera və 12 MP telefoto obyektivdən istifadə edəcək. Selfi kamerası üçün 10 MP və 16 MP sensorlara üstünlük veriləcəyi bildirilir.
Samsung Galaxy Z Fold 4 1 TB versiyasının 1999 dollar qiymət etiketi ilə satışa çıxarılacağı bildirilir. Şirkətin yeni qatlanan cihazlarının 2022-ci ilin avqustunda təqdim ediləcəyi təxmin edilir.
Bəs siz bu haqqda nə fikirləşirsiniz? Bu cihaza bu qiyməti verərdinizmi? Və ya bu model ücün bu qiymət uyğundurmu? Fikirlərinizi şərh etməyi unutmayın.
