Ötən günlərdə xəbər vermişdik ki, OpenAI şirkəti Sam Altmanı baş direktor vəzifəsindən qovub. Buna əsas səbəb isə idarə heyətinin Sam-in liderlik qabiliyyətinə olan inamını itirməsi və qeyri-səmimi danışıq tərzi olub. İndi isə süni intellekt sahəsində lider olan OpenAI vəzifəsindən bir gecədə qovduğu Sam Altman üçün danışıqlara başlayıb. Ümumiyyətlə bir çoxları üçün Sam-in bir gecədə vəzifəsini itirməsi qəribə gəmişdi. The Verge mənbəsinə görə OpenAI Sam-i yenidən geri qaytarmaq istəyir. Hətta şirkətin idarə heyəti liderlik qabilliyyətinə inanmadıqları Sam Altmanı yenidən geri qayıtması üçün dəvət edir.
Son günlərdə OpenAI daxildən tənəzzül edir. İlk öncə idarə heyətinin Sam Altmanı qovması, daha sonra isə şirkətin ən önəmli adlarından və ortaqlarından biri olan Greg Brockman istefa edib. Hətta bunun ardınca bir çox şirkət işçisi də istefa verib. Görünən odur ki, şirkətin daxilində Sam-in qovulması ilə bağlı mübahisələr başlayıb. The Verge mənbəsinə görə Sam Altman-ın vəzifəsindən qovulmasında əsas rolu oynayan adlardan biri də hazırda şirkətin idarə heyətinin üzvü olan və tədqiqat layihələrinə rəhbərlik edən Ilya Sutskeverdir.
OpenAI şirkətindən bir gecədə qovulan Sam Altman isə geri dönmək istəmir. O yalnız idarə heyətində olan bəzi şəxslərin dəyişilməsində sonra geri qayıda biləcəyini bildirib. Ümumiyyətlə bir çox analitiklər OpenAI daxilində çox yaxında böyük yeniliklər olacağını bildirib. Analitiklərə görə OpenAI Sam-in irəli sürdüyü bütün şərtləri qəbul edəcək və idarə heyətində dəyişikliklər olacaq. Əgər OpenAI bu şərtlərlə razılaşmasa onlarla işçisini və şirkətin qurucu ortaqlarından birini itirəcək. Hətta Sam və Greg OpenAI şirkətinə rəqib olaraq yeni bir ortaqlıq qura bilərlər.
