Süni intellekt sahəsində etdiyi yeniliklər ilə diqqət çəkən OpenAI şirkətinin baş direktoru Sam Altman vəzifəsindən qovulub. Qeyd edək ki, şirkətin idarə heyətinin Sam-in liderlik qabiliyyətinə artıq inamı olmadığı üçün o, işsiz qalıb. Ümumiyyətlə Sam 2020-ci ildən bəri OpenAI şirkətinin baş direktoru vəzifəsini icra edib. Hətta OpenAI şirkəti onun idarəçiliyi altında bir çox uğura da imza atıb. Artıq şirkət yeni GPT-5 dil modelini belə təqdim etməyə hazırlaşır. İndi isə Sam Altmanı, şirkətin baş texnologiya direktoru Mira Murati müvəqqəti əvəz edəcək.
Süni intellekt sahəsində uğurlara imza atan OpenAI direkotoru Sam Altman bütün uğurlarına rəğmən şirkətdəki vəzifəsindən qovulub. Ən maraqlısı budur ki, şirkət “Cənab Altmanın aramızdan ayrılışı direktorlar şurası tərəfindən müzakirə edilmiş nəzərdən keçirmə prosesinin nəticəsidir. Sam idarə heyəti ilə ünsiyyətdə daim qeyri-səmimi davranır və bu onun öhdəliklərini yerinə yetirməsinə maneə olur. İdarə Heyətinin artıq onun səlahiyyətlərinə inamı yoxdur” deyə açıqlama verib. Sadəcə 1 gecə də baş verən bu hadisədən sonra şirkətin texnologiya üzrə baş direktoru Mira Murati Sam-i əvəz edəcəyini bildirib.
Onu da qeyd edək ki, şirkətin idarə heyətinə OpenAI-nin baş alimi İlya Sutskever, müstəqil direktorlar Quora baş direktoru Adam D’Angelo, texnoloji sahibkar Tasha McCauley və Georgetown Təhlükəsizlik və İnkişaf etməkdə olan Texnologiyalar Mərkəzindən Helen Toner daxildir. Məhz adı çəkilən bu şəxslər Sam Altmanı sadəcə 1 gecədə işdən qovmağı bacarıblar. Yekunda isə Sam 3 illik vəzifəsini tərk edib. Sam-in indi kariyerasina harada davam edəcəyi isə naməlumdur.
