Çinin ən böyük avtomobil şirkətlərindən biri olan Chery ilə bağlı maraqlı detal ortaya çıxıb. Belə ki, çinli avtomobil nəhəngi Chery son 26 ildə 26 mindən çox texnoloji patent alıb. Ümumiyyətlə Çinli avtomobil nəhəngləri son dövrlərdə çox iddialıdır. Hətta avropalı avtomobil nəhəngləri bu vəziyyətin daha da böyüməsindən narahatdır. Məhz buna görə də, bugün Çinli avtomobil nəhənglərinə qarşı müxtəfi məhdudiyyətlər tətbiq edilir. Buna baxmayaraq Chery kimi bir çox çinli şirkət hazırda bazardakı liderliyi özündə saxlaya bilir.
Qeyd edək ki, Chery hazırda Azərbaycan da daxil olmaqla bir sıra ölkələrdə rəsmi olaraq fəaliyyət göstərir. Məhz bu fəaliyyətin əsas qaynağı isə avtomobillərə edilən daimi yeniliklərdir. Bu gün Chery modelləri texnoloji tərəfdə bir sıra xüsusiyyətlərə sahibdir. İndi isə məlum olub ki, Çinin ən böyük avtomobil ixracatçısı Chery, 26 ildə 26 mindən çox patent alıb və sərgiləyib. Qeyd edək ki, bu barədə şirkət özü türkiyədə keçirilən Chery Texnologiya günü tədbirində bildirib. O cümlədən tədbirdə şirkətin təhlükəsizlik, enerji istehlakı, daxili məkan, ağıllı kokpit və dünya səviyyəli texnologiya səviyyələrinə çatan ağıllı sürücülük sahələrindəki texnoloji inkişafları da paylaşıldı.
Şirkət bildirib ki, patentlərdən əlavə olaraq əsas məqsədlərdən biri də Ar-Ge investisiyasıdır. Hətta şirkət qarşıdakı 5 il ərzində bu sahəyə 100 milyard yuan yəni, 23 milyard manat dəyərində yatırımlar edəcək. Ümumiyyətlə Chery Group, 26 il ərzində 26.000-dən çox patent müraciəti yaratmaqla Çin avtomobil sənayesinin ön sıralarında yer almışdır. Hazırda şirkətin mühərrikləri bir çox nominasiya üzrə mükafatlar da əldə edib.
