OpenAI şirkətinin ən uğurlu layihəsi hesab olunan ChatGPT bu dəfə DDos hücumuna məruz qalıb və müvəqqəti olaraq işləməyib. Belə ki, bu barədə şirkət özü açıqlama verib. Ümumiyyətlə bir çox istifadəçi ChatGPT süni intellekt çatbotunun fəaliyyəti ilə bağlı şirkətə şikayət ünvanlayıb. Yekun olaraq isə OpenAI istifadəçilərə populyar süni intellekt çatbotu barədə açıqlama verməyə məcbur qalıb. OpenAI şirkəti 8 noyabr tarixində baş verən kəsintiləri DDos hücumlarından qaynaqlandığını bildirib.
Ümumiyyətlə ChatGPT süni intellekt alətinin bu qədər populyarlaşması onu hakerlərin bir nömrəli hədəfi halına da gətirmişdi. Çünki süni intellekt çatbotunda milyonlarla istifadəçinin məlumatı mövcuddur. Məhz bu məlumatları əldə olunması üçün isə ChatGPT süni intellekti minlərlə DDos hücumuna məruz qalıb. Nəticədə isə çatbotun fəaliyyətində bəzi məhdudiyyətlər əmələ gəlib. Qeyd edək ki, bu DDos hücumunu Anonymous Sudan olaraq tanına haker qrupu öz üzərinə götürüb. Lakin bununla bağlı OpenAI şirkəti heçbir açıqlama verməyib.
Anonymous Sudan qrupu bu hücümların arxasındakı səbəbin İsrail və Fələstinə qarşı ümumi qərəzli mövqeyi olduğunu bildirib. Həmçinin hücumu həyata keçirən haker qrupu Telegramda Dünyada “ChatGPT bağlantısı tamamilə işləmir, Twitter və sosial mediada minlərlə bildiriş var, görək bunun DDoS hücumu olduğunu qəbul edəcəklərmi?” deyə məlumat yayıb. Habelə qrup bu hücumlarda SkyNet botnetindən istifadə edildiyini təsdiqləyib.
