Bu gün oyun dünyasının nəhənglərindən olan Sony oyun konsollarının təhlükəsizlik sistemini təmin etmək üçün müəyyən tədbirlər görür. Belə ki, bunlardan biri də yeni konsola aid ediləcək. Beləliklə Sony şirkəti yeni Playstation 5 slim modelində disk sürücüsünü aktivləşdirmək üçün internet bağlantısı tələb edəcək. Bu addım ilə isə şirkət oyun konsolunun saxta olub-olmadığını da yoxlaya biləcək. Bildiyimiz kimi, bu gün sındırılmış oyunlar və ya oyun konsolları oyun dünyasının o cümlədən, oyun tərtibatçılarının qorxulu yuxusuna çevrilib.
Bu yaxınlarda satışa çıxarılacaq yeni Playstation 5 Slim modeli adi versiyadan daha incə, daha sürətli olacaq. Lakin bunun üçün istifadəçilər 450 dollar ödəniş etməlidirlər. Maraqlısı budur ki, istifadəçilər digər versiyalardan fərqli olaraq bu modeldə disk sürücüsünü aktivləşdirmək üçün internet bağlantısına sahib olmalıdır. Sony bu üsul ilə yeni oyun konsollarının təhlükəsizlik tədbirlərini təkmilləşdirir. Qeyd edək ki, bu məlumat Modern Warfare III oyunlarının yer aldığı oyun paketinin qutusundakı məlumatlara əsaslanır.
Belə ki, qutunun üzərində qeyd olaraq bildirilir ki, disk sürücüsünü aktivləşdirmək üçün istifadəçilər internetə bağlanmalıdır. Hələlik bu tələbin yalnız bir dəfə tələb edilib-edilmədiyi məlum deyil. Lakin analitiklər bu addımın sadəcə konsolun sındırılıb-sındırılmamasını yoxlamaq üçün olduğunu bildirir. Yəni siz sadəcə 1 dəfə internetə qoşulmaqla disk sürücüsündən istifadə edə biləcəksiniz. Onu da qeyd edək ki, yeni oyun konsolu 450 dollar başlanğıc qiyməti ilə yaxın günlərdə əlçatan olacaq.
