Bu gün artıq bir çox texnologiya şirkətinin sevimlisi halına gələn ChatGPT avtomobillərdə də istifadə olunmağa başladı. Belə ki, 2009-cu ildə Citroen şirkətinin alt markası kimi bazara çıxan DS Automobiles indi avtomobillərdə süni intellekt çatbotundan istifadə edəcək. Qeyd edək ki, şirkət 2014-cü ildən bəri Citroenin çətiri altından çıxaraq sərbəst brend olmuşdur. Hətta indi avtomobil bazarında yeniliklər etmək istəyir. Lüks avtomobil brendi yeni modellərində səsli olaraq əlaqə qura biləcəyimiz yeni ChatGPT dəstəyi təklif edir.
Qeyd edək ki, lüks avtomobilləri ilə məşhurlaşan DS automobilies şirkəti artıq hansı modellərində ChatGPT yeniliyi edəcəyini elan edib. Belə ki, şirkət DS IRIS SYSTEM paketinə sahib olan DS 3, DS 4, DS 7 və DS 9 adlı avtomobillərdə ChatGPT dəstəyi təklif edəcək. Ümumiyyətlə artıq hərkəsə məlumdur ki, ChatGPT OpenAI şirkətinin məhsuludur. Qarşılıqlı söhbət əsasında bizlərə istənilən mövzuda kömək edən bu çatbot artıq avtomobil sürücülərinə də kömək edəcək. “OK IRIS” əmri ilə aktivləşən ChatGPT əsaslı sistem sürücülərə avtomobilin bir çox xüsusiyyətini idarə etməyə və aktual mövzular barədə məlumat almağa imkan verəcək.
Hələlik Fransa, Almaniya, Böyük Britaniya, İspaniya və İtaliyada mövcud olacaq ChatGPT dəstəyi sadəcə ilk 6 ay pulsuz olacaq. 6 ay bitdikdən sonra isə istifadəçilər ChatGPT abunəliyinə qoşulmalı olacaq. DS automobiles şirkəti bu addımla xüsusilə gənc yaşlı müştərilərin diqqətini çəkməyə çalışır. Görünən odur ki, şirkət artıq bunu bacarıb. Hələlik ChatGPT dəstəkli avtomobillərin nə vat satışa çıxacağı isə məlum deyil.
