Çinin Xiaomi şirkəti elektrikli avtomobillərin kütləvi istehsalına gələn il başlamağı planlaşdırır, lakin şirkətin hədəfləri və on il ərzində bu istiqamətə 10 milyard dollar sərmayə qoymaq niyyəti ilə birgə hələ bu layihənin uğur qazanması üçün kifayət qədər şərait yaratmır. Bəzi məlumatlara görə, Xiaomi üçün təkbaşına elektrik avtomobilləri istehsal etmək üçün lisenziya almaq o qədər də asan olmayacaq, ona görə də şirkət Çinin əsas avtomobil istehsalçıları və xüsusilə Chery ilə birgə istehsal haqqında danışıqlar da aparır.
Bloomberg xəbər verir ki, avtomobillərinin istehsalına başlamaq qərarına gələn Xiaomi, bu məsələni Brilliance Auto və Chery də daxil olmaqla bir çox avtomobil istehsalçısı ilə müzakirə edir. Bu ilin avqust ayında Xiaomi, Beijing Automotive Group Co. ilə də görüşlər keçirmişdir. Lakin elektromobillərin istehsalında potensial əməkdaşlıq haqqında Xiaomi şərh verməkdən imtina edir. Böyük bir ehtimalla buna səbəb şirkətin hələ ilk olaraq öz şəxsi brendi altında təkmilləşdirilən elektromobilini bazara çıxarmaq istəməsidir.
Xiaomi hələ də elektromobillərin istehsalına icazə verən Çinin Sənaye və İnformasiya Texnologiyaları Nazirliyindən müvafiq icazələrin alınması üzərində işləyir. Avtomobil istehsalçıları ilə danışıqlar davam edir və Xiaomi-nin sonda kiminlə razılaşacağı hələ məlum deyil. Geri qayıtsaq, avqustun sonunda ilk dəfə olaraq Xiaomi-nin Çin avtomobil istehsalçısı BAIC ilə eksklüziv danışıqlar apardığı və elektrik avtomobillərinin istehsalının BAIC və Hyundai Motor tərəfindən birgə idarə olunan Çin müəssisəsində təşkil edilməsinin planlaşdırıldığı barədə məlumatlar ortaya çıxmışdı. Amma bu məlumatların da öz təsdiqini tapmadığı məlum oldu.
Xiaomi-nin həmtəsisçisi Lei Jun, elektrikli avtomobilləri şirkət üçün reallığa çevirmək üçün təxminən 10 milyard dollar sərmayə qoyacağını da öz öhdəsinə götürüb. O, hələ də gələn il ilk elektrik avtomobilini təqdim etməyə ümid edir. Bloomberg-ə görə, Xiaomi-nin bu təşəbbüsü yaxın iki ildə mənfəət artımını zəiflədə bilər. Lakin uzunmüddətli dövr üçün vacibdir.
