Bildiyimiz kimi, Azərbaycanın ilk vençur kapitalı fondu “Caucasus Ventures” ötən ilin sonunda yaradılıb. Rəqəmsal İnkişaf və Nəqliyyat Nazirliyinin strukturunun yenidən qurulması və rəqəmsal inkişaf yolunda müxtəlif layihələrə dəstək verməsi səbəbindən bu fondun yaradılması qaçılmaz olub. Startap ekosisteminin əsas təsisçilərindən və oyunçularından biri olan Məmməd Kərimin təsis etdiyi fond ölkəmiz üçün çox uğurlu biznesdir. Caucasus Ventures-in kapitalı 11,3 milyon manatdır. Fonda Rəqəmsal İnkişaf və Nəqliyyat Nazirliyi 5 milyon manat, “PAŞA Holdinq” Şirkətlər Qrupu 5 milyon manat, fərdi sahibkarlar isə 1,3 milyon manat investisiya yatırıb. Fondun əsas məqsədi həm Azərbaycanda, həm də regionda startaplara investisiya qoymaqdır. İndi isə Caucasus Ventures əlavə 3 startapa Tripsome, Klipy və Jobescope kimi startaplara yatırım edib.
Caucasus Ventures-in əsas diqqəti Qafqaz, Türkiyə, Şərqi Avropa və Mərkəzi Asiyadır. Fond əsasən bu regionlarda Saas, Fintech və digər startaplara sərmayə qoymağı hədəfləyir. Caucasus Ventures iki mərhələdə startaplara sərmayə qoyur. Birinci mərhələdə investisiyanın həcmi 50 min dollara qədər, ikinci mərhələdə isə 200 min dollara qədərdir. Daha əvvəl fond 3 startapa Turan App, Tested Wep və Magic Port-a yatırım etmişdi. İndi isə Caucasus Ventures daha 3 startapa yatırım edib. Bunlar öz növbəsində Tripsome, Klipy və Jobescope startaplarıdır.
Qeyd edək ki, Tripsome startapının əsas missiyası daha çox insanın sevinc dolu anlar yaratmasına, onları unudulmaz xatirələrə çevirməsinə təşviq etməkdir. O cümlədən burada unikal və əlyəncəli tədbirlər cəmlənir. Klipy isə qısa olaraq desək Gif kitabxanasıdır. Burada müxtəlof kino, əyləncə və digər yaradıcı anların qısa videoları və ya Gifləri yer alır. Son olaraq Jobescope startapı isə vaxtınıza qənaət etməklə sizlərə mürəkkəb və həlli heç də qısa olmayan tapşırıqları avtomatlaşdırır və təqdim edit. Habelə istidəçilər bu platforma vasitəsi ilə yeni kurslardan da yararlana bilər.
