Mercedes-Benz öz avtomobillərində bloklanma əleyhinə əyləc, dayanıqlılığa nəzarət, təhlükəsizlik yastıqları və adaptiv kruiz kontrolunu işləyib hazırlayan və tətbiq edən ilk istehsalçılardan biri olmuşdur. Lakin eyni nüansı avtopilot müzakirə mövzusu olduqda söyləmək çox çətindir. Çünki, Tesla bu mövzuda işi rəsmiyyətə çevirməsə də dünyanın ən qabaqcıl şirkətlərindən biridir. Lakin prosesi rəsmiyyətlə həll etməyi seçən Mercedes-Benz indi EQ seriyalı tam elektrik avtomobillərini avtonom idarəetmədə fərqləndirəcək yeni Drive Pilot sistemini elan edib və bunun ilk lisenziyalı 3-cü səviyyə avtopilot olduğunu bildirib.
2024-cü il model ilindən Mercedes-Benz S-Class və EQS sedanlarında mövcud olacaq Drive Pilot funksiyası Los-Ancelesin ən işlək magistrallarında müstəqil ekspertlər tərəfindən sınaqdan keçirilib. Drive Pilot GM-in Super Cruise, Ford-un BlueCruise və ya BMW-nin Highway Assistant-a bənzər magistral sürüşü təmin edir, lakin sürücünün gözlərini yoldan çəkməsinə imkan verməklə daha da funksional olur. Bu, ABŞ-da istifadə üçün təsdiqlənmiş ilk səviyyə 3 avtonom idarəetmə sistemidir, lakin ilkin olaraq yalnız Kaliforniya və Nevadada aktiv olacaq.
Drive Pilot-un aktivləşdirilməsi üçün müəyyən şərtlər yerinə yetirilməlidir:
Avtomobil saatda 65 mil və ya daha az sürətlə hərəkət edir;
Nəqliyyat vasitəsinin qarşısında başqa bir avtomobil var;
Magistral yol quru və təmizdir;
Yol nişanları aydın görünür;
Marşrut sistem yaddaşına əvvəlcədən yüklənib;
Bu məhdudiyyətlər Drive Pilot-un hələ də şəhərətrafı dayanıb-getmə nəqliyyatında istifadə oluna biləcəyi şərtlərdir, lakin o, sərbəst axınlı magistral yollar üçün nəzərdə tutulmayıb. Gələcəkdə sürət həddinin artırılması planlaşdırılır.
Sürücü Drive Pilot rejiminə keçmək, ehtiyac olarsa özü sürət həddini aşmaq və ehtiyac olduqda onu söndürmək baxımından asan idarə etməyə malikdir. Sürücünü diqqətin yayınması, ya səsli və vizual həyəcan siqnalları ilə idarəetməni ələ alması barədə də xəbərdar edir. Sistem təcili yardım avtomobili aşkar edildikdə, ödənişli yollara yaxınlaşdıqda, piyada və ya velosipedçi olduqda, yol işləri və ya xüsusi tənzimləmə zonaları zamanı avtomatik olaraq bağlanır. Drive Pilot eyni sistemlə təchiz edilmiş digər nəqliyyat vasitələri ilə yol hərəkəti haqqında məlumat mübadiləsi də edə bilir.
Adaptiv kruiz-kontrol üçün istifadə olunan uzun mənzilli radardan əlavə, zolaq aşkar etmək üçün ön şüşədə yerləşən kamera dəstini, ön bamper barmaqlığında quraşdırılmış LIDAR sensorları, arxa damda yüksək həssas GPS antenası və avtomobilin perimetri ətrafında yerləşdirilən bir neçə görünməz sensor da sürüşün təhlükəsizliyini artırır.
Drive Pilot mövcud avtomobillərdə quraşdırıla bilməz. Avtomobil sifariş edildikdə sistemin quraşdırılması tənzimlənməlidir və siz avadanlıq üçün dərhal pul ödəməli olmayacaqsınız. Bu funksiya illik 2500 dollar abunə olaraq təqdim ediləcək. Mercedes-Benz-in avtopilotu Almaniyada bir ildən artıqdır qəzasız işləyir və Mercedes Drive Pilot istifadə etdiyi müddətə avtomobili sığortalayır, başqa heç bir istehsalçı bunu təklif etmir.
Daha çox xəritələmə məlumatları toplandıqca sistemin əhatə dairəsi genişləndiriləcək, lakin Mercedes konkret vaxt çərçivəsi vermir. Burada isə yenə real zamanlı öyrənmə metodu ilə yolu tanıyaraq limitsiz hərəkət imkanı olan Tesla Avtopilot önə çıxır. Şirkət sistemi təkmilləşdirməyə davam edir və avtomobilə xüsusi işıqlandırma vasitəsilə Drive Pilot-un aktivləşdirilməsi göstəricisini də əlavə etməyi planlaşdırır.
