Yanacaq şirkəti Shell və Çinin elektrikli avtomobil istehsalçısı BYD, elektrikli avtomobillər üçün dünyanın ən böyük şarj stansiyasını qurduqlarını açıqladı. Sözügedən enerji doldurma stansiyası eyni vaxtda 258 avtomobili enerji ilə doldurmaq gücünə malikdir. BYD-nin baş qərargahının yerləşdiyi Çinin Şençjen şəhərində açılan stansiya hava limanının yaxınlığında tikilib. Stansiyada enerji doldurma məntəqələri ilə yanaşı, elektrikli nəqliyyat vasitəsi sahiblərinin faydalana biləcəyi mağazalar, kafelər, avtomatlar və istirahət otaqları da var.
Shell-in məlumatına görə, sınaq istismarı mərhələsində stansiya gündə 3300-dən çox elektrik avtomobilinə xidmət göstərirdi. Gələcəkdə stansiyanın tutumunu artırmaq da mümkün olacaq. Shell Recharge yerli elektrik şəbəkəsinə yükü artırmamaq üçün öz gücü ilə elektrik enerjisi istehsal etmək üçün də qabaqcıl imkanlarla təchiz edilmişdir. Dünyanın ən böyük şarj stansiyasını, damında quraşdırılan günəş panelləri ildə 300 min kilovatsaata qədər bərpa olunan enerji istehsal edə biləcək ki, bu da müştərilərin avtomobillərini doldurmaq üçün istifadə olunacaq.
Hal-hazırda Shell-in dünya üzrə 40.000-dən çox ictimai şarj nöqtəsi var ki, bunların da təxminən 25.000-i Çindədir. Yanacaq şirkətinin məqsədi 2030-cu ilə qədər bu rəqəmi 200 minə çatdırmaqdır. Daha əvvəl hidrogen yanacağına verdiyi dəstəyi sonlandıran şirkət, elektromobillərlə bağlı şarj stansiyası şəbəkəsinə yatırımlar etməkdə öndə gedən lider şirkətlərdən biridir. Xüsusilə Çində ən çox satılan elektromobil brendi olan və özlüyündə batareya texnologiyalarının da ən təkmili həllərindən yararlanan BYD də bu sahədə yatırımlara ciddi maraqlıdır.
