Elektrikli avtomobil sahəsinin banisi olan Tesla, dünya üzərində istehsal etdiyi 5 milyonuncu elektromobilini elan edib. Ümumiyyətlə Tesla brendi 2008-ci ildə ilk dəfə qurulanda heçkəs bu brendin gələcəkdə ən böyük elektrikli avtomobil istehsalçısı olacağını bilmirdi. Hətta bir çox insan brendin sadəcə bir neçə il ərzində iflas edəcəyini düşünürdü. Xatırladaq ki, Tesla brendi nə az, nə çox düz 12 il ərzində 1 milyon elektromobil istehsal etmişdi. Bundan sonra isə Tesla brendi dünyada sürətlə tanınmağa və məşhurlaşmağa başladı. Bunun əsas səbəbi isə heçbir avtombildə olmayan texnologiyalara sahib olması idi.
Bu gün Tesla 5 milyonuncu elektromobilini rəsmi olaraq istehsal edib. 12 il ərzində sadəcə 1 milyon elektromobil istehsal edən avtomobil istehsalçısı sadəcə 3 il ərzində 4 milyon elektromobil də istehsal etməyi bacardı. Bu gün Tesla dedikdə ilk olaraq elektrikli avtomobil ağla gəlir. Daha doğrusunu desək onun sahib olduğu FSD və digər texnologiyalar. Məhz bu elektromobillərin dünyada, o cümlədə Amerikada tanınmasını sürətləndirən ən əsas amil də məhz bu texnologiyalar olmuşdu. Xatırladaq ki, Tesla 3 milyonuncu elektromobilin istehsal etdikdən sadəcə 7 ay sonra 4 milyonuncu elektromobilini istehsal etmişdi. İndi isə bu göstərici 6 aya qədər enib.
Bu gün Tesla brendinin fərqli regionlarda 5 fabrikası vardır. Bunlar müvafiq olaraq Kaliforniya, Şanxay, Berlin, Texas və Nevada regionlarında yerləşir. Hazırda ən çox elektromobil məhz Şanxay fabrikində istehsal edilir. Belə ki, bu fabrik ildə 750 min Model 3 və Model Y elektromobilini istehsal etmək imkanına sahibdir. İkinci yerdə isə 650 min ilə Kaliforniyadakı Gigafactory dayanır. Burada digər fabriklərdən fərqli olaraq daha premium modellər olan Model S və Model X istehsal edilir. Model Y modeli üçün isə 2 fabrik ayrılıqda fəaliyyət göstərir.
