RND-nin Intrapreneur konsaltinq şirkətinə əsaslanan hesabatına əsasən, Almaniyada 4 günlük iş həftəsi üçün ilk genişmiqyaslı pilot layihəyə start verilib. İntrapreneur ABŞ, Avstraliya, İslandiya və İngiltərədə uğurla həyata keçirilən layihənin Almaniyada koordinasiyasına cavabdeh olacaq.
Belə ki, gələn il başlayacaq və 6 ay davam edəcək 4 günlük iş eksperimentində 50-dən çox şirkət iştirak edəcək. Daha sonra məlumatları emal ediləəcək. İşçilər və şirkətlər üçün daha qısa iş həftəsinin faydalarını təyin etmək üçün datalar tədqiqatçılar və alimlər tərəfindən analiz ediləcək. Oxşar sınaqlar artıq bir sıra ölkələrdə, o cümlədən Böyük Britaniyada aparılıb və müsbət nəticələr əldə edilib.
50 şirkət işçilərinin maaşlarını dəyişdirmədən iş həftəsini beş gündən dördə endirəcək. Təcrübədə iştirak etmək üçün müxtəlif sənaye və müxtəlif ölçülü şirkətlər seçiləcək. Müraciətlər üçün çağırış artıq açıqdır. Təcrübə mərhələsi hazırlıq mərhələsindən sonra fevralın 1-də başlayacaq və 2024-cü ilin avqust ayına qədər davam edəcək.
Böyük Britaniyada bu prinsipin bazar ertəsindən cümə axşamına qədər olan beş günlük iş həftəsini dörd iş gününə endirməklə həyata keçirilməsi qərara alınıb. Bununla belə, başqa variantlar da ola bilər.
4 günlük iş həftəsi modeli Almaniyada çoxdan aktiv şəkildə müzakirə olunur. Bir çox müəssisələr bu proqramı sınaqdan keçirsələr də, sistemli və elmi təcrübə hələ aparılmayıb. Təşkilatçılar ümid edirlər ki, sınaqlar daha qısa iş həftəsinin faydaları haqqında müzakirələr üçün əsas kimi istifadə oluna biləcək elmi məlumatlar verəcək.
Aralıq nəticələr artıq göstərdi ki, beş deyil, dörd iş günü müəssisələrin məhsuldarlığını mütləq aşağı salmır. Məsələn, Böyük Britaniyada aparılan təcrübələr hətta məhsuldarlığın orta hesabla 1,4% artdığını göstərir. İşçilərin sağlamlığı və məmnunluğu da yaxşılaşıb. Tükənmə riski 71% azalıb. Xəstəlik məzuniyyəti hallarının sayı üçdə iki azalıb.
