Bu gün süni intellekt texnologiyası milyonlarla insan tərəfindən müxtəlif məqsədlərlə istifadə olunur. Hətta aktiv istifadəçi sayı hərgün durmadan artır. İndi isə ortaya çıxıb ki, süni intellekt texnologiyasının sürətlə böyüməsi heç də sadəcə kompüter işi deyilmiş, əslində bu işin arxasında milyonlarla asiyalı işçi var. Ümumiyyətlə Asiyada ucuz işçi qüvvəsinin olması artıq hərkəsə məlumdur. Hətta bir çox texnologiya nəhəngi, o cümlədə avtomobil nəhəngi fabriklərini məhz asiyada açır. Çünki burada ucuz işçi qüvvəsi məhsulların maya dəyərinin aşağı olmasına imkan verir. Görünən odur ki, süni intellekt şirkətləri də eyni fikirdədir.
Filippinin CAGAYAN DE ORO şəhərində minlərlə gənc işçinin sürətlə inkişaf edən süni intellekt üçün çox ucuz qiymətə işlədiyi ortya çıxıb. Çirkili və narahat internet kafelərdə amerikalı şirkətlərin süni intellekt modellərini tənzimləyən bu işçilər gecə-gündüz iş başındadırlar. Ən pisi isə odur ki, Süni intellekt üçün milyonlarla datanı analiz edən və onları sazlayan minlərlə asiyalı işçi sadəcə bir neçə dollar üçün işləyir. Qeyd edək ki, bu işçilər ən sadə halda ChatGPT kimi dil modellərinin mənasız söz birləşmələri yaratmaması üçün mətin bağlayıcılarını düzəltməkdən tutmuş, böyük data yığınlarını analiz edərək daha oxunaqlı hala gətirməklə məşğuldur.
Qeyri-rəsmi hesabata görə sadəcə Filippindən 2 milyon tərtibatçının sadəcə günlük 6-10 dollara bu işi görməsinə baxmayaraq bəzi tapşırıqlar üçün ödəmələr 1 dollardan belə azdır. Hətta süni intellekt texnologiyalarına tələb yarandıqca yeni işçilər də fəaliyyətə keçir. Təəssüf ki, bu süni intellekt üçün gecə-gündüz minimum əmək haqqından belə az məbləğə görə işləyən tərtibatçılar verdikləri müsahibələrdə sadəcə yaşayış haqqını ödəyə bilmək və ac qalmamaq üçün bu işi etdiklərini bildiriblər.
