İRİA yerli ekosistem üçün beynəlxalq nüfuzlu proqrama – “StartUp Wise Guys Global Pre-revenue” proqramına qeydiyyatı davam etdirir. “StartUp Wise Guys Global Pre-revenue” proqramı PASHA Holding LLC şirkətlər qrupunun sponsorluğu və İRİA-nın təşəbbüsü ilə dünyanın ən nüfuzlu və qabaqcıl akseleratorlarından biri Startup Wise Guys ilə tərəfdaşlıq nəticəsində ərsəyə gəlib.
Startapınızın gəlirlilik modelini təkmilləşdirməyi hədəfləyirsinizsə, heç tərəddüd etmədən “StartUp Wise Guys Global Pre-revenue” proqramına müraciət etməyə tələsin! Unikal nəzəri və praktik biliklərlə zəngin proqrama 15 ən perspektivli startap komandası seçiləcək. Təlim müddətində innovativ düşüncənizi doğru yöndə istiqamətləndirəcək və dayanıqlı gəlir modeli yaratmağı təşviq edəcək təməl bilgiləri əldə edəcəksiniz. Üstəlik, qalib komanda SABAH.HUB-da akselerasiya proqramından da yararlana biləcək. Qeyd edək ki, müraciət üçün son tarix 4 sentyabr 2023-cü il, saat 12:00-dır.
