Süni intellekt texnologiyaları gün keçdikcə yeni problemlərə səbəb olur. Belə ki, minlərlə tələbə süni intellekt çatbotlarından istifadə edərək dissertasiya və digər tapşırıqları hazırlayırlar. Məhz bu addım təhsil sisteminin zəifləməsinə tələbələrin keyfiyyətsiz təhsil almasına səbəb olur. China Daily mənbəsi xəbər verir ki, Çin bu problemin qarşısını alacaq. Beləliklə Çin elmi məqalələr yazmaq üçün süni intellektdən istifadə edən tələbələrin dissertasiyasını ləğv edəcək və onlara nəzarət edəcək.
Ümumiyyətlə dünyada bu gün süni intellekt çatbotlarının istifadəsi genişlənib. Hətta bir çox fərqli sahələrdə süni intellekt çatbotları istifadə olunur. Təbii ki, bəzi insanlar bu vəziyyətdən sui-istifadə edir. Çin isə süni intellekt texnologiyalarının dissertasiyalarda istifadə edilməsinə ciddi nəzarət edəcək. Həmçinin süni intellektdən istifadə edən tələbələrin elmi məqalələri ləğv ediləcək. Bu gün təhsil dedikdə ilk ağla gələn məhz Çin təhsil sistemidir. Bunun əsas səbəbi isə təhsil sisteminə ciddi nəzarət edilməsidir. Süni intellekt alətlərinin təhsil sistemini zəiflətməsi təhlükəsi Çini addım atmağa məcbur edib.
Çin höküməti yeni qaydanı qəbul etməyə hazırlaşır. Artıq süni intellektin təhsil sistemində istifadə edilməsi demək olar ki, qadağan edilir. Daha əvvəl də hökümək süni intellekt xidmətlərinin nəzarət olunması ilə bağlı qərar qəbul etmişdi. Hətta bu Çində süni intellekti tənzimləyən ilk qərar olaraq tarixə düşüb. İndi isə Çin xalq konqresi süni intellekt ilə bağlı daha bir qərar qəbul etməyə hazırlaşır.
