On ildən artıqdır üzərində işlənilən yeni səmərəlilik qaydaları qüvvəyə minir. Belə ki, Edisonun közərmə lampaları tarixə qovuşur. ABŞ Enerji Departamentinin hesablamalarına görə, yeni qaydalar amerikalıların elektrik enerjisi ödənişlərinə milyardlarla dollar qənaət edəcək. Belə ki, közərmə lampaları artıq ABŞ-da demək olar heç bir növdə satıla bilməyəcək.
Çərşənbə axşamı qüvvəyə minən yeni enerji səmərəliliyi qaydalarına əsasən, ABŞ müştəriləri 19-cu əsrin sonlarında Tomas Edison tərəfindən patentləşdirilmiş texnologiyaya son qoyaraq, közərmə lampalarının əksəriyyətini artıq ala bilməyəcəklər. Onları sevən və ya nifrət edən hamı, artıq Amerikanın enerji mənzərəsini dəyişən LED lampaları almaq məcburiyyətində olacaqlar.
Bayden rəhbərliyi tərəfindən elan edilən yeni səmərəlilik standartı közərmə lampalarının hər vatt üçün minimum 45 lümen standartına cavab verməsini tələb edir. Lümenlər parlaqlıq ölçüsüdür və közərmə lampaları adətən hər vatt üçün daha yüksək lümen təmin edir. Tamamlayıcı qayda dəyişikliyinin yeni standartları isə daha geniş və kütləvi istifadə olunan közərmə lampalarına şamil edir.
Bu qaydaların heç biri közərmə lampalarının istifadəsinə mütləq qadağa qoymur. Sobalarda quraşdırılmış və həşərat işıqlandırması kimi bir neçə xüsusi közərmə lampaları istisnalar hesab olunur. Hansı ki, bunlarda qeyd edilən lümen limitini keçmir və təqribi istehlakı ~7 vatt təşkil edir. Bununla belə, hamısı olmasa da, əksər közərmə lampaları yeni səmərəlilik standartlarına cavab vermək üçün mübarizə aparacaq və eyni halogen lampaların növbəti nəslinə də aiddir.
Enerji Departamentinin hesablamalarına görə, yeni qaydalar qüvvəyə mindikdən sonra amerikalılar elektrik enerjisi ödənişlərinə ildə təxminən toplam 3 milyard dollar qənaət edə bilərlər. Əvvəllər LED-lər daha bahalı məhsul kimi qəbul edilirdi, lakin onların qiyməti demək olar ki, közərmə lampalarının səviyyəsinə düşüb. Tədqiqatlar göstərir ki, kasıb məhəllələrdəki pərakəndə mağazalar közərmə lampalarından ən gec imtina edənlər arasındadır.
Yeni qaydalar həmçinin növbəti üç onillikdə karbon emissiyalarını 222 milyon ton azaldacaq ki, bu da ildə 28 milyon ev təsərrüfatının emissiyasına bərabərdir. LED-lərin başqa üstünlükləri də var. LED lampalar közərmə lampalarından 25-50 dəfə çox işləyir. Ən azından statistikalar bunu göstərir. ABŞ etdiyinə görə, qısa vaxt ərzində daha əvvəl eyni söz-söhbətləri çox gündəmə gətirmiş Avropa Birliyi də qısa vaxt ərzində bənzər qərarla qarşımıza çıxa və közərmə lampaları əleyhinə qərar verə bilər.
