Intel şirkətinin Meteor Lake prosessorları ilə bağlı daha bir maraqlı detal ortaya çıxıb. Belə ki, süni intellekt Intel şirkətinin yeni Meteor Lake prosessorlarının enerji sərfiyyatını idarə edəcək, hətta bu məqsədlə alqoritm də hazırlanır. Bu barədə məlumatı isə şirkətin aparıcı mühəndislərindən olan Efraim Rotem Stanford Universitetindəki çıxışında bildirib. Onun sözlərinə görə prosessor nəhəngi süni intellekt ilə idarə olunan enerji idarəetmə alqoritmi hazırlayır. Həmçinin o bu alqoritmin gələcəkdə bütün prosssorlarda istifadə ediləcəyini o cümlədən yeni Meteor Lake prossorlarında istifadə ediləcəyini bildirib.
Əslində daha əvvəl də Intel şirkətinin yeni prosessorlarının süni intellekt dəstəkləyəcəyi məlum olmuşdu. İndi isə süni intellekt alqoritmi vasitəsi ilə Intel Meteor Lake prosssorlarının enerji sərfiyyatının idarə ediləcəyi ortaya çıxıb. Qeyd edək ki, süni intellekt əsaslı alqoritmlər ənənəvi alqoritmlərdən fərqli olaraq daha səmərəlidir. Hətta prossessorun enerji sərfiyyatı və səmərəliliyi ciddi mənada fərqlənir. Rotem bildirir ki, bu süni intellekt prosessorların səmərəliliyini 15-20% artırır. Hətta bu iddia cədvəl formasında da ifadə olunmuşdur.
Xatırladaq ki, ötən aylarda Intel Meteor Lake prosessorlarının süni intellekt mühərrikini təqdim etmişdi. Bundan əlavə texnologiya nəhəngi yeni nəsil enerji idarəetmə sisteminə, yeni inteqrasiya edilmiş Intel Arc qrafik kartlarına sahib olacağı barədə məlumat vermişdi. Artıq Intel şirkətinin yeni prosessorlarında i hərfinin istifadə edilməyəcəyi hərkəsə məlum olub. Hətta bununla bağlı şirkət bir neçə dəfə açıqlama verib.
