Smartfon bazarının aparıcı adlarından biri olan Samsung şirkəti Galaxy S24, S24+ və S24 Ultra üçün işləməyə davam edir. Avqustdan başlayaraq qarşıdakı aylarda təqdim olunacaq telefonlarla bağlı hər gün yeni bir sızıntı eşidirik. İndi isə Galaxy S24 seriyasının bayraqdar modeli olan Galaxy S24 Ultra modelinin dizayn elementlərini əks etdirdiyi deyilən render görüntüləri hazırlanıb.
Galaxy S24 Ultra qıvrımlı ekrana imtina edə bilər
Bəlkə də bəzilərinizin xatırladığı üzrə daha əvvəlki xəbərlər bizə göstərdi ki, Galaxy S24 və S24 Plus yeni çərçivə dizaynı ilə daha düz kənarlara sahib olacaq. Daha bir yenilik isə Galaxy S24 Ultra modelində dizayn baxımından özünü göstərir. Flaqman telefonun Samsung tərəfindən də Apple kimi titan çərçivə ilə təqdim ediləcəyi bildirilir. Lakin Samsung tək dəyişikliyi bununla etməyəcək.
IceUniverse tərəfindən paylaşılan render görüntülərinə baxdığımızda görürük ki, Galaxy S24 Ultra qıvrımlarını itirib. Bu nöqtədə, düz ekran panelinə keçid edilib. Kənar çərçivələr isə simmetrik olsa belə təəssüfləndirici səviyyədə qalın təsvir edilib. Həmçinin ekranın yuxarı hissəsində video zənglər və selfilər üçün mərkəzləşdirilmiş kamera sensoru görülüb. Güc və səs düymələri çərçivənin sağ tərəfində yerləşir.
Bildiyiniz kimi, Samsung 2017-ci ildə satışa çıxarılan Galaxy S8-dən bəri öz top model telefonlarını qıvrımlı dizayn edib. Bu səbəbdən Galaxy S24 Ultra-da istifadə edilən düz dizaynın bu ənənəi sonlandıracağını qeyd etməliyik. Önümüzdəki aylarda Galaxy S24 Ultra haqqında daha çox məlumatın paylaşılacağını düşünürük. Ancaq indiyə qədər sızmış məlumatlar Galaxy S24 Ultra modelinin dizayn cəhətdən gələcək yeniliklərini demək olar ki, təsdiqləyir.
