Gürcüstanın aparıcı kripto-ödəniş şirkəti olan CityPay.io ekosistemdəki mövqeyini möhkəmləndirmək üçün strateji addım atıb. Belə ki, Gürcü startapı CityPay.io 2 milyon avrodan çox investisiya toplayaraq toxum mərhələsini başa vurub. Qeyd edək ki, Tether və Presto Ventures şirkətləri startapa ən çox investisiya edən şirkətlərdəndir. Həmçinin toxum mərhələsində bir çox gürcü və beynəlxalq şirkət də aktiv iştirak edib. Uğurlu addımı nəticəsində CityPay.io-nun Müstəqil Dövlətlər Biriliyində(MDB) və qlobal bazarlarda fəaliyyəti genişlənəcək. Bundan əlavə bu barədə məlumatı Gürcüstandakı tərəfdaşımız olan Caucasus Business Week mediası verib.
Həmçinin şirkət B2C platformasının inkişafını sürətləndirməyi və kriptovalyuta ödəmə növlərinin təkmilləşdirilməsini hədəfləyir. Ümumiyyətlə 2020-ci ildə Eralf Hatipoğlu və Beka Kemertelidze tərəfindən əsası qoyulan CityPay.io startapı müxtəlif bizneslərin və sahibkarların kriptovalyuta ödənişlərini qəbul etməsini asanlaşdırmaqla regionda sürətlə yüksəldi. Həm müəssisələr, həm də fiziki şəxslər üçün dörd yönlü ödəniş və qəbz metodu ilə startap əməliyyatların təhlükəsiz və ədalətli şəkildə həyata keçirilməsini təmin edib.
2021-ci ildən sonra isə CityPay.io artıq bir neçə ölkədə 700-dən çox müəssisə ilə tərəfdaşlıq etməyə başlayıb. Hətta bu tərəfdaşlıqlara Radisson Hotels, Wendy’s Georgio və Fresco supermarket habelə digər beynəlxalq, regionlar brendlər daxil olub. Onu da qeyd edək ki, gürcü startapı 2 milyon avrodan çox olan bu investisiya ilə yaxın gələcəkdə öz fəaliyyətini həm regionda həm də beynalxalqda daha da genişləndirəcək. Maraqlısı budur ki, Tether gürcü startapına investisiya etməklə MDB bazarında da ilk dəfə olaraq daxil olur.
