Bu gün milyonlarla istifadəçi tərəfindən aktiv istifadə olunan mesajlaşma platforması olan WhatsApp daha bir yenilik edir. Belə ki, Meta şirkətinin WhatsApp platforması artıq süni intellekt ilə təsəvvür etdiyiniz stikerləri yaradacaq. Bir çox sahədə istifadə olunan süni intellekt WhatsApp platformasına da tətbiq ediləcək. Hətta bu süni intellekt sınaqdan keçirilməyə başlayıb. Bu gün WhatsApp tətbiqində stiker yaratmaq üçün müəyyən şəkilə sahib olmaq lazım gəlir. Məhz bu səbəbdən də istifadəçilər təsəvvürlərində olan hərşeyi stikerlər ilə ifadə edə bilmirlər.
Stikerlərin emojilər qədər aktiv istifadə olunduğunu görən WhatsApp süni intellekt ilə istifadəçilərin köməyinə yetişəcək. Belə ki, WhatsApp süni intellekt ilə istifadəçilərin təsəvvür etdiyi stikerləri yaratmasına imkan verəcək. Hələlik bu funksiya tətbiqin cari beta versiyası olan WhatsApp beta Android 2.23.17.8 üçün istifadəyə verilməyib. Lakin şirkət çox az sayda istifadəçi ilə məhsuldar süni intellekti sınaqdan keçirir. Maraqlısı budur ki, Meta yeni funksiyanı gələn həftə bir çox istifadəçi üçün əlçatan edəcək.
Qeyd edək ki, sınaqdan keçirilən yeni funksiya klaviaturada yerləşir və siz stiker ekranına gəldikdə yarat adlı düymə meydana çıxır. Dall-E kimi oxşar alətlərdə olduğu kimi burada sadəcə təsəvvürünüzdə olan şeyi yazılar ilə düzgün təsvir etmək lazımdır. Bundan əlavə süni intellekt ilə yaradılan stikerlər qarşı tərəfə göndərilərsə onun AI tərəfindən hazırlandığı bildiriləcək. Həmçinin siz zərərli və uyğunsuz stiker yaratmağa çalışsanız Meta dərhal bundan xəbər tutacaq. Yaxın gələcəkdə bu funksiyanın Messenger və Instagram üçün istifadəyə veriləcəyi gözlənilir.
