Prosessor bazarının lider brendlərindən olan Intel son dövrlərdə dəyərini itirir. Belə ki, bunun əsas səbəblərindən biri prosessor bazarındakı tələbin azalması olsa da, indi məlum olub ki, başqa səbəblər də mövcuddur. Bəzi Intel prosessorlarında performansa ciddi dərəcədə təsir edən Downfall adlı zəiflik aşkar edilib. Bu zəiflik əsasən 2015-2019-cu illər arasında istehsal edilən prosessorlarda ortaya çıxıb. Bu illər aralığında istehsal olunan prosessorlara sahib olan istifadəçilərin şəxsi məlumatları da risk altındadır. Bu zəiflik nəinki performans həm də, hakerlərin istifadəçilərin məlumatlarını əldə etməsinə şərait yaradır.
Bu gün bir çox cihaz Intel prosessorlarından istifadə edir. Məhz bu səbəbdən də, Intel prosessorlarında aşkar olunan Downfall adlı bu zəiflik bir çox cihazı təhlükə altına atır. Hətta hakerlər rahatlıqla qeyd edilən illərdə istehsal olunmuş prosessorlardan güc alan istənilən cihazdan istifadəçilərin parollarını, e-poçtlarını və digər şəxsi məlumatlarını əldə edə bilərlər. Intel bu səhvini aradan qaldırmaq üçün işə qoyulsa da, bu zəiflik hazırda bir çox cihazda performas itkisinə səbəb ola bilər. Ümumiyyətlə bir çox cihazın potensial risk daşıdığını ortaya çıxaran bu zəiflik Google tədqiqatçısı Daniel Moghimi tərəfindən aşkar edilib.
Qeyd edək ki, aşkar edilən zəifliyin əsas səbəbi Intel prosessorlarının bəzi xüsusiyyətlərinin bəzi etibarsız proqramlara bütün məlumatları əlçatan etməsidir. Bu isə hakerlərin rahatlıqla cihazınıza daxil olmasına və məlumatlarınızı əldə etməsinə imkan verir. Şirkətin açıqlamasına görə bu problem yalnız AVX2 və AVX-512 təlimat dəstlərinə sahib olan prosessorlarda mövcuddur. Beləliklə Skylake, Cascade Lake, Cooper Lake, Amber Lake, Kaby Lake, Coffee Lake, Whisky Lake, Comet Lake, Tiger Lake, Ice Lake, Rocket Lake prosessorları bu siyahıya aiddir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
