Süni intellekt texnologiyası gün keçdikcə inkişaf etsə də, bərabərində törədə biləcəyi təhlükələrin də sayı durmadan artır. Belə ki, süni intellekt artıq klaviaturanızın səsi ilə məlumatlarınızı oğurlaya bilər. Son araşdırmalara əsasən süni intellektin daha bir təhlükəsi də ortaya çıxarılıb. Əgər siz tez-tez kompüterinizdə konfrans görüşü həyata keçirirsinizsə, mikrofonunuzu bağlamağı unutmayın. Çünki sadəcə klaviaturanızın səsi də sizin məlumatlarınızın oğurlanmasına kifayət edəcək.
Britaniyalı tədqiqatçılar klaviatura səsi ilə istifadəçilərin nəyi yazdığını öyrənə bilən süni intellekt hazırlayıb. Yəni bu model sizin klaviaturanızdakı səslərdən hansı hərf, rəqəm və simvoldan istifadə etdiyinizi öyrənə biləcək. Beləliklə süni intellekt modeli sizin klaviaturanızı səsi ilə məlumatlarınızı oğurlaya biləcək. Ümumiyyəltə insanlar parollarını yazarkən çox vaxt klaviaturalarını və ya ekranlarını gizlətməyə çalışırlar. İndi isə klaviaturanın səsi ilə onların parollarını əldə etmək mümkün olub. Qeyd edək ki, yeni hazırlanan süni intellekt modeli telefonda qeyd edilən nömrələri 95% dəqiqliklə tapa bilib. Bu isə hakerlərin işini çox asanlaşdırır.
Təbii ki, süni intellekt sizin klaviaturanızın səsini əvvəlcə analiz edə bilməlidir ki, məlumatlarınızı öyrənə bilsin. Belə ki, sadəcə bir neçə dəqiqəlik səs yazısı belə süni intellektin analiz edə bilməsinə imkan verir. Tədqiqatçılar tərəfindən hazırlanan süni intellekt modeli əvvəlcə MacBook Pro və iPhone 13 mini modelləri üzərində istifadə olunub. Tədqiqatçılar hər düyməni 25 dəfə basıb və bu səsləri yaxınlıqdakı smartfon ilə qeydə alıblar. Daha sonra isə bu səs yazısını süni intellektə öyrədiblər. Əslində yeni süni intellekt modeli çox təhlükəli deyil. Çünki bu gün bir çox insan tamamilə fərqli klaviaturadan istifadə edir. Yəni kimsə sizin klaviaturanızın səs yazısını almadığı təqdirdə narahat olmağa ehtiyac yoxdur.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
