Son dövrdə texnologiya sahəsinin ən çox səs-küy gətirən brendlərindən olan Nothing şirkəti, daha sərfəli cihazlar təklif etmək üçün CMF by Nothing altmarkasını elan edib. Bildiyimiz kimi, Nothing şirkəti keçmiş OnePlus həmtəsisçisi olan Carl Pei tərəfindən qurulub və idarə olunur. Məhz bu səbəbdən də şirkət texnologiya sahəsində böyük səs gətirir. Hətta ötən aylarda şirkət 96 milyon dollarlıq sərmayə aldığı üçün bütün diqqətləri öz üzərinə cəlb etmişdi. Ümumiyyətlə Nothing bazara yeni daxil olsa da, büdcəsi gün keçdikcə artır. Həmçinin yeni investorlar cəlb edir.
İndi isə Nothing şirkəti daha sərfəli, daha sadə dizayna sahib olan cihazlar təqdim etmək üçün CMF by Nothing altbrendini yaradıb. Beləliklə yeni brend daha büdcəyə uyğun modellər təklif edəcək. Özünəməxsus dizayna sahib olan Nothing brendləri flaqman cihazlar ilə rəqabət apardığı üçün normaldan daha yüksək qiymətə təklif olunurdu. Hətta bu vəziyyət bir çox istifadəçi tərəfindən xoş qarşılanmırdı. İndi isə şirkət daha ucuz lakin keyfiyyətli məhsullarını yeni brend altında bazara çıxaracaq. Carl Pei bildirib ki, CMF brendi altında ilk olaraq naqilsiz qulaqlıq və ağıllı saat hazırlayacaq. Hətta bu cihazlar bu ilin sonuna qədər təqdim ediləcək.
Nothing brendi daha əvvəl 2 ədəd simsiz qulaqlıq isthesal etsə də, yeni ağıllı saat diqqətləri cəlb edib Hələlik yeni saatın korpusunun şəffaf olub-olmayacağı məlum deyil. Ümumiyyətlə CMF brendinin məhsullarının daha sadə dizayna sahib olacağı gözlənilir. Xatırladaq ki, Sonuncu dəfə Nothing brendi Phone(2) modeli ilə bazarda böyük rəqabətə səbəb olmuşdu. İndi isə yeni cihazların da orta seqmentdə liderlik edəcəyi gözlənilir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
