Uzunmüddətdir ki, alimlər yer planetinin ən günəşli yeri adlandıra biləcəkləri məkanı müəyyən etmək üçün araşdırma aparırdı. Nəhayət alimlər planetin günəş tərəfindən ən intensiv işıqlandığı nöqtəni müəyyən ediblər. Hətta onlar buranı Venera planetinə bənzədiblər. Beləliklə yer kürəsinin ən günəşli nöqtəsi Çilinin şimalındakı Atakama səhrasında yerləşən Chinantor yaylasıdır. Qeyd edək ki, bu yayla dəniz səviyyəsindən 4800 metr yüksəklikdə yerləşir. Məhz bu səbəbdən də burada bulud və yağış görmək ehtimalı çox azdır. Alimlər buradalı günəş şüasının insanlara zərərli olduğunu da müəyyən edib. Yəni ultra-bənövşəyi şüalar insanlarda dəri xərçəngi meydana gətirə bilər.
Qeyd edək ki, Chinantor yaylasında günəş şüaları o qədər intensivdir ki, alimlər buranı yerin venerası da adlandırıb. Yəni Yer planetinin ən günəşli nöqtəsində günəşdən alacağınız enerji Veneranın səthində alacağınız enerjiyə bərabərdir. Maraqlısı budur ki, yaylada orta hesabla günəş radiasiyası hər kvadrat metrə 308 Vatt təşkil edir. Bu isə Yer planeti üçün rekord göstərici hesab olunur. Ümumiyyətlər Atakama səhrası çox isti olması ilə seçilir. Çünki burada bulud görmək mümkün deyil. Bu səbəbdən də torpaq və hava çox isinir. Lakin bütün bunlara baxmayaraq insanların ən çox məskunlaşdığı səhra da məhz Atakama səhrasıdır. İnsanlar burada mədəndə işləyir, mis çıxarırlar.
Əhali su ehtiyaclarıını əsasən havadakı nəmdən əldə edirlər. Bildiyimiz kimi, səhralar gecələr çox soyuyur, gündüzlər isə çox isinir. Bu səbəbdən isə şehlər yaranır. Hətta səhrada yaşayan canlılar səhərə yaxın yaranan bu şehlərdən istifadə edərək su ehtiyaclarını qarşılayırlar. İnsanlar da bu məntiqdən istifadə edərək daha böyük miqdarda su əldə edə biləcəkləri panellər düzəldiblər. Lakin bütün bunlara baxmayaraq burada yaşamaq insan həyatı üçün təhlükəlidir. Məhz bu səbəbdən bir çox insan burada çox qısa müddətlik gəlir.
