Son dövrlərdə OpenAI şirkətinin ChatGPT süni intellekt çatbotuna yeni rəqiblər meydana gəlir. Belə ki, bu rəqiblərdən biri də smartfon bazarının liderlərindən olan Apple tərəfindən yaradılır. Beləliklə Apple ChatGPT süni intellekt çatbotuna rəqib olacaq yeni Apple GPT adlı çatbot hazırlayır. Bloombergdən olan Mark Gurmanın sözlərinə görə Apple artıq yeni çatbotunu sınaqdan keçirir. Hələlik ətraflı məlumat olmayan bu süni intellekt aləti mühəndislər tərəfindən Apple GPT adlandırılır.
Beləliklə Microsoft, Meta və Google kimi nəhənglərdən sonra Apple şirkəti də süni intellekt sahəsinə daxil olur. Hətta texnologiya nəhəngi özünəməxsus çatbot hazırlayır. Ötən aylarda OpenAI şirkətinin ChatGPT süni intellekt aləti üçün iOS cihazlarda yeni tətbiq təqdim edilmişdi. İndi isə Apple bu süni intellekt alətinə maraq olduğunu görərək Apple GPT adlanan yeni çatbot yaradır. Hələlik bu çatbot bir çox funksiyanı yerinə yetirə bilmir. Hətta mühəndislər yeni çatbotu öz aralarında istifadə edir və sınaqdan keçirir. Apple şirkətinin yeni çatbotu həmçinin Ajax adlı dil modelindən istifadə edir.
Əslində ötən aylarda Apple ChatGPT süni intellekt alətindən istifadə edilməsini işçilərinə qadağan etmişdi. Həmin dövrlərdə isə şirkətin yeni süni intellekt çatbotu yaradacağı barədə fikirlər meydana gəlmişdi. Lakin bir çox insan bunların sadəcə bir fikir olduğuna və heç bir əsasının olmadığına inanmışdı. İndi isə şirkətin Apple GPT adlı yeni çatbotu sınaqdan keçirdiyi məlum olub. Hələlik yeni çatbotun hamı üçün təqdim edilib-edilməyəcəyi məlum deyil. Çünki yeni çatbot hələ inkişaf mərhələsindədir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
