Populyar klaviatura tətbiqi olan Gboard tətbiqinə uzunmüddətdir gözlənilən geri al və önə ver funksiyaları əlavə edilib. Artıq istifadəçilər yanlışlıqla sildikləri mətnləri asanlıqla geri qaytara biləcəklər. Qeyd edək ki, Gboard klaviatura tətbiqi həm Android, həm də iPhone modellərində ən çox istifadə olunan klaviatura proqramlarından biridir. Yazmağı asanlaşdıran və sürətləndirən tətbiq bir çox funksiyaya da sahibdir.
Ümumiyyətlə bir çox istifadəçi yazdığı mətni bəzən istəmədən silir və geri qaytara bilmir. Bu funksiya artıq bir çox proqramda mövcud olsa da Gboard onlardan biri deyildi. Hətta Google Keep tətbiqinin də geri qaytarma funksiyası mövcuddur. Bir çox tətbiqdə isə silinən mətni yenidən yazmaqdan başqa çarə olmur. İndi isə Gboard çoxdandır gözlənilən funksiyaları tətbiqə əlavə edəcək. Qeyd edək ki, yeni funksiyanın düyməsi klaviaturada gizlədilib. Buna baxmayaraq istifadəçilər bu düymənin yerini dəyişə də bilər.
Beləliklə Gboard tətbiqində yazı yazarkən etdiyiniz səhvləri asanlıqla aradan qaldıra biləcəksiniz. Hələlik yenu funksiya sadəcə sınaq mərhələsindədir. Belə ki, yalnız sınaq mərhələsində iştirak edənlər yeni funksiyadan istifadə edə bilər. Həmçinin bu funksiyanın bütün istifadəçilərə nə zaman təqdim ediləcəyi də məlum deyil. Əlavə olaraq qeyd edək ki, Gboard tətbiqinə hələ yeni əlavə edilən bu funksiya kompüterlərdə ən çox istifadə edilən funksiyalardan biridir. Hətta Mishaal Rahman tərəfindən Gboard-ın yeni xüsusiyyəti kimi paylaşılan yenilik ctrl+z və ctrl+y funksiyalarının eynisidir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
