Dünyanın ən böyük prosessor istehsalçısı hesab olunan Intel şirkəti rəsmi olaraq prosessorlarının yeni adlarını açıqlayıb. Xatırladaq ki, nəhəng şirkətin prosessorlarında artıq i həfindən istifadə etməyəcəyi daha əvvəl sızdırılmışdı. Belə ki, bu gün şirkət Core i3, Core i5, Core i7 adlarından imtina etdiyini açıqladyıb. Yeni Meteor Lake seriyasında texnologiya nəhəngi daha fərqli adlardan istifadə edəcək. Qeyd edək ki, Intel Core i prosessorları artıq 15 ildir ki mövcuddur. Əvvəllər brend pentium seriyalı prosessorları təqdim edirdi. İndi isə brend i seriyasından imtina edərək yeni Core və Core Ultra adlarından istifadə edəcək.
Ümumiyyətlə Intel yalnız prosessorlarının adlarını dəyişməyəcək, həmçinin onları seqmentlərə də ayıracaq. Belə ki, şirkət əsas seqmentdə prosessorları Core 3, Core 5, Core 7 seriyalarına böləcək. Ən yüksək seqmentə isə Intel Core Ultra 5, Core Ultra 7 və Core Ultra 9 seriyalarını daxil edəcək. Yəni Core Ultra 3 seriyası ən yüksək seqmentdə mövcud olmayacaq. Xatırladaq ki, şirkət i seriyasında əsasən 1050, 1090 kimi prefikslərdən istifadə edərək prosessorlarını fərqləndirirdi. Lakin Intel prosessorların adlarında dəyişiklik etsə də, bu dəyişiklik istifadəçilər üçün böyük olmayacaq.
Qeyd edək ki, Intel şirkətinin daha əvvəl mobil prosessor tərəfində Arm ilə bir araya gəlməsi ilə böyük maraq doğurmuşdu. Verilən açıqlamalara görə yeni yaradılmış əməkdaşlıq əvvəlcə Intel brendinin 18A istehsal prosesinə əsaslanacaq. Beləliklə Intel və Arm daha az enerji sərf edən mobil prosessorlar üzərindən çalışacaqlar. Gələcəkdə isə bu əməkdaşlıq avtomobil sənayəsi, aerokosmik sahədə istifadə olunacaq prosessor istehsalına qədər genişlənə bilər.
