OpenAI məhsuldar süni intellekt həlləri ilə bazardakı lider mövqeyini qorumaq istəyir. Belə ki, bunun üçün şirkət ChatGPT üçün qiymət endirimi, eləcə də yeni funksiyalarını anons edib. Bu yaxınlarda GPT-3.5-turbo və GPT-4-ün yeni versiyalarının buraxıldığını elan edən şirkət bu dəfə bəzi əlavə yeniliklərlə də qarşımıza çıxıb.
GPT-4 və GPT-3.5-turbo tərtibatçılara ChatGPT əlavələri (plaqinləri) kimi xarici alətlərə edilən sorğuları xarici bağlantı ilə əlaqələndirə bilən çatbotlar yaratmağa imkan verəcək funksiyaları işlətməyi mümkün edən xüsusiyyətə sahib olacaq. Əlavə olaraq OpenAI təbii dili verilənlər bazası sorğularına çevirmək kimi funksiyaları da əlavə edib. Ümumilikdə gələn yeniliklər tərtibatçılar üçün vacib əhəmiyyət kəsb etməkdədir.
Məsələn, şirkət tərəfindən verilən nümunədə göstərildiyi kimi, “Gələn bazar günü yarışa getmək istəyib-istəmədiyini öyrənmək üçün E-poçt göndər” sözünün “send_email(to: string, body: string)”-ə çevrilməsi ola bilər. Bu xüsusiyyət təbii dili API və ya verilənlər bazası sorğularına çevirmək üçün də işləyəcək. Yəni, adi cümlələr “kodlara” çevriləcək. Qeyd edək ki, GPT-3.5-turbo eyni zamanda daha uzun həcmli nəticələr üçün və geridə qalan mesajların ani mesajlarla uyğunlaşması (unudulmaması) üçün də API inteqrasiyası zamanı müəyyən düzəlişlər təklif edir.
Digər tərəfdən, OpenAI şirkəti GPT-3.5-turbo inteqrasiyası qiymətinin 25% aşağı salındığını açıqladı. Tərtibatçılar indi modeli 1000 giriş tokeni üçün 0,0015 dollar və hər 1000 çıxış tokeni üçün 0,002 dollar üçün istifadə edə biləcəklər ki, bu da hər 1 dollar üçün təxminən 700 səhifəyə bərabərdir. OpenAI-nin ən məşhur mətn inteqrasiyası modellərindən biri olan text-embedding-ada-002 üçün də qiymətlər endirilib.
text-embedding-ada-002 indi 1000 token üçün 0,0001 dollara başa gəlir ki, bu da əvvəlki qiymətdən 75% endirim deməkdir. OpenAI deyir ki, bu azalma onların sistemlərində səmərəliliyin artırılması ilə nəticələnir.
OpenAI, martın əvvəlində GPT-4-ün istifadəyə verilməsindən sonra mövcud modelləri tədricən yeniləyəcəyini bildirdi. Beləliklə, firma GPT-5 üzərində işləmir, amma əslində GPT-4 gündən-günə yaxşılaşdırır.
