Hal-hazırda bazarda Apple və Samsung brendləri ilə başabaş rəqabət aparan Xiaomi ən çox satılan smartfonların adlarını açıqlayıb. Bundan əlavə Xiaomi brendinin prezidenti Liu Weibing bu smartfonların bazarda istehlakçılar arasında niyə çox tələb yaratdığını da izah edib. Qeyd edək ki, Liu Weibing həm də Redmi brendindən məsul olan şəxsdir.
Ümumiyyətlə son dövrlərdə Xiaomi və Redmi kimi brendlər fərqli bazarlarda liderlik etməyə başlayıb. Daha ucuz keyfiyyətə daha performanslı və keyfiyyətli smartfonlar təklif edən brendlər ən çox satılan modellərinin adlarını açıqlayıblar. Beləliklə Xiaomi və Redmi brendinin hal-hazırda bazarda ən çox satılan modeli müvafiq olaraq Xiaomi 13 və Redmi K60 modelləridir. Həmçinin Weibing şirkət tərəfindən istehlakçılar arasında keçirilən sorğunun nəticələrini də açıqlayıb. Belə ki, istehlakçılar əsasən kamera xüsusiyyətlərinə görə Xiaomi 13 modelini, oyun performansına görə isə Redmi K60 modelini seçir.
Xatırladaq ki, Redmi K60 modeli hazırda 290 dollar başlanğıc qiyməti ilə təklif edilir. 6.67 düymlük 3200×1400 təsvir ölçülü OLED ekrana malik olan smartfon 64MP əsas kamera və 16MP selfie kamerası ilə təchiz edilib. Həmçinin smartfon öz gücünü Snapdragon 8+ Gen 1 çipsetindən alır. 5500 mAs batareya həcminə sahib olan model 8-128 GB yaddaş seçimi ilə təklif olunur. Xiaomi 13 modeli isə 515 dollar başlanğıc qiyməti ilə təklif olunur. Həmçinin 6.36 düymlük AMOLED ekran panelinə malik olan smartfon 3 arxa kamera ilə təchiz edilib. Belə ki, bu kameralar müvafiq olan 50, 10 və 12MP-dir. Bundan əlavə 32MP selfie kamerası ilə təchiz edilən smartfon öz gücünü Snapdragon 8 Gen 2 çipsetindən alır. 8-128 GB yaddaş seçimi ilə təklif edilən smartfon 4500 mAs batareya həcminə sahibdir.
