Android 14 əməliyyat sistemi barəsində daha çox xüsusiyyətlər ortaya çıxır. Belə ki, Mishal Rahman adlı insayder yeni Android 14 əməliyyat sisteminin batareya sağlamlığı barədə məlumatlar verəcəyini iddia edib. Qeyd edək ki, yenilik məhz əməliyyat sisteminin Beta 2 variantında ortaya çıxıb. Həmçinin Android 14 əməliyyat sistemində Batterymanager olacağı ortaya çıxıb. Artıq yeni əməliyyat sisteminə sahib olan Android smartfonların iPhone modellərində olduğu kimi batareya sağlamlığını bilmək olacaq.
Maraqlısı budur ki, Android 14 Beta 2 variantında batareya sağlamlığından əlavə daha bir yenilik də olacaq. Bu isə məhz Apple brendinin iPhone modellərinə xas olan smartfonların nə vaxtdan başladığını bildirən məlumatdır. Yəni Android 14 əməliyyat sistemində batareya sağlamlığından əlavə olaraq, smartfonun nə zamandan bəri istifadə edildiyini də bilmək olacaq. Bundan əlavə yeni sistemin şarj doldurulması və boşaldılaması dövriyyələrinin sayını, istehsal tarixini və digər şarj xüsusiyyətləri barədə məlumat verəcəyi gözlənilir. Əslində hal-hazırda bazarda olan smartfonların şarj doldurulması və boşaldılaması dövriyyələrinin sayını və şarj vəziyyəti haqqında məlumatları Android 13 əməliyyat sistemi tərəfindən təhlil edilir. Lakin bu məlumatlar yalnız sistem tərəfindən istifadə edilir.
Qeyd edək ki, təqdim edilən 2 yenilik hal-hazırda yalnız Android 14 Beta 2 əməliyyat sistemindən istifadə edən Google Pixel smartfonları üçün əlçatandır. Yəni Pixel smartfonlarında Android 14 sistemi tərəfindən batareya sağlamlığı barədə məlumatları əldə etmək mümkündür. Həmçinin yeni funksiya barədə görüntülər də artıq ortaya çıxarılıb.
