Qrafik kartları sahəsində ixtisaslaşan və bazara liderlik edən Nvidia şirkətinin dəyəri nəhayət 1 trilyon dolları ötdü. Qeyd edək ki, texnologiya nəhəngi son dövrlərdə süni intellekt texnologiyaları ilə məşhurlaşmışdı. Hətta süni intellekt texnologiyalarının inkişafı məhz Nvidia şirkətinin süni intellekt əsalı qrafik kartlarına olan tələbi artırırdı. Hal-hazırda texnologiya sahəsində süni intellekt və ya qrafik kartlardan bəhs edərkən ağla gələn ilk şirkət məhz Nvidia-dır. Buna səbəb isə şirkəti bu sahələr üzrə möhtəşəm dərəcədə təkmilləşməsidir.
Nvidia şirkətinin qrafik kartı bazarında rəqibi olan AMD şirkəti süni intellekt mövzusunda texnologiya nəhəngindən geri qalır. Hətta Nvidia şirkətinin bazar dəyərinin 1 trilyon dolları ötməsinin əsas səbəbi də məhz süni intellekt texnologiyaları olmuşdur. Bu gün süni intellektə əsaslanan istənilən sistem demək olar ki, Nvidia şirkəti tərəfindən hazırlnanan avadanlıq üzərində qurulub. Bildiyimiz kimi süni intellekt texnologiyası güclü qrafik kartına və serverlərə əsaslanır. Hal-hazırda isə OpenAI şirkəti ChatGPT süni intellekt çatbotunun sistemlərində məhz Nvidia qrafik kartlarından istifadə edir. Hətta bəzən Nvidia şirkəti artan qrafik kartı tələbini qarşılamaqda belə çətinlik çəkir.
Bu gün səhmi 400 dollardan çox olan Nvidia şirkəti 1 trilyon dollar dəyərə malik olaraq, Apple və Microsoft şirkətinin yanında dayanır. Ümumiyyətlə Nvidia şirkəti yalnız bir sahədə fəaliyyət göstərmir. Belə ki, texnologiya nəhəngi ötən günlərdə MediaTek ilə tərəfdaşlığa başlamışdı. Hətta texnologiya nəhəngləri avtomobil sahəsinə addım atmışdılar. Bu isə onu göstərir ki, süni intellekt sahəsinin böyüməsində Nvidia şirkətinin rolu çox böyükdür. Qeyd edək ki, hazırda dünyanın ən güclü qrafik kartları da məhz Nvidia şirkətinə məxsusdur. Süni intellekt texnologiyasını dəstəkləyən bu qrafik kartlar möhtəşəm performansa malikdir.
