Cənubi Koreyanın Hyundai Motor Group və LG Energy Solution şirkətləri nəhəng batareya zavodu tikmək barədə razılıq əldə edib. Belə ki, texnologiya nəhəngləri ABŞ-da 4.3 milyard dollarlıq batareya zavodu tikəcək. Hətta batareya istehsalı üçün nəzərdə tutulan zavodun 2025-ci ildən gec olmayaraq istifadəyə veriləcəyi gözlənilir. Hyundai brendi yeni əməkdaşlıq ilə elektrikli avtomobil sahəsindəki mövqeyini möhkəmləndirməyə çalışır. Bildiyimiz kimi hal-hazırda avtomobil sahəsində Çinin elektrikli modelləri üstünlük təşkil edir. Lakin avtomobil brendləri Çin elektromobilləri ilə rəqabət aparmaq üçün əllərindən gələni əsirgəmirlər.
Qeyd edək ki, Hyundai və LG şirkətinin ortaq tikəcəyi batareya zavodu gələcəkdə avtomobil sahəsində mühüm yeniliklərə səbəb ola bilər. ABŞ-ın Georgia Savannah bölgəsində tikilməsi planlaşdırılan zavod bu ilin ikinci yarısında tikilməyə başlayacaq. Zavod tam tikildiyində ildə 30 GHVatt batareya istehsal edə biləcək. Bu göstərici isə hər il 300 min elektromobil üçün batareya istehsal olunacağını bildirir. Açıqlamalara görə Hyundai brendinin Hyundai Mobis şöbəsi batareyaların qablaşdırılmasından məsuliyyət daşıyacaq. Həmçinin bu batareyalar paketləndikdən sonra Hyundai, Kia və Genesis elektrikli avtomobillərində istifadə ediləcək.
Hyundai və LG şirkətlərinin ortaq batareya zavodu bölgədə sabit batareya tədarükü imkanı yaradacaq. Bu isə ABŞ-da artan batareya tələbini yetərli miqdarda qarşılayacaq. Qeyd edək ki, LG və Hyundai ABŞ-da bu sahəyə sərmaye qoyan ilk şirkətlər deyil. Belə ki, 2021-ci ildə Toyota 3.4 milyard dollarlıq batareya zavodu üçün investisiya etmişdi. Həmçinin GM və LG şirkətinin ortaq Ultium Cells batareya müəssisəsi də buna misal ola bilər.
