Qısa zaman ərzində böyük istifadəçi kütləsinə sahib olan TikTok yeni Tako adlı süni intellekt çatbotunu istifadəyə verəcək. Belə ki, yeni süni intellekt çatbotu artıq sınaqdan keçirilir. Qeyd edək ki, Tako istifadəçilərə videolar təklif edə və onların suallarını cavablandıra biləcək. TikTok yeni süni intellekt çatbotunu Filippində sınaqdan keçirir. Sınaq nəticəsində məlum olub ki, Tako istifadəçilər üçün maraqlı videoları ortaya çıxarır və onlara video axtarmaqda köməklik göstərir. Sürətlə inkişaf edən texnologiya sahəsində süni intellektin rolu getdikcə artır.
Qeyd edək ki, TikTok tətbiqinin yeni Tako adlı süni intellekt çatbotu barədə bəzi məlumatlar da ortaya çıxıb. Belə ki, süni intellekt çatbotu TikTok tətbiqinin interfeysinin sağ tərəfində istifadəçi profilinin üstündə və digər bəyənmə, şərh düymələri üzərində görünəcək. Hətta çatbotun interfeysində Məndən bir şey soruşmaqdan çəkinməyin, axtardığınızı tapmaqda sizə kömək etmək üçün əlimdən gələni edəcəyəm yazısı istifadəçilərə görünür. İstifadəçilər Tako çatbotuna sadəcə izləmək istədikləri video barədə məlumat qeyd etməklə videonun adını, müəllifini və mövzusunu, həmçinin təklif olunan videolara keçidləri siyahı formasında əldə edəcək. Nəticədə isə axtarılan videoları tapmaq çox asanlaşacaq.
TikTok Tako süni intellekt çatbotunun hələlik hansı dil modelindən istifadə etdiyi məlum deyil. Filippində sınaqdan keçirilən çatbotu uğurla fəaliyyət göstərib. Bundan əlavə Tako çatbotunun yetkinlik yaşına çatmayan hesablar üçün aktiv olmayacağı bildirilir. Sınaq mərhələsi bitdikdən sonra yeni süni intellekt çatbotunun hərkəs üçün istifadəyə veriləcəyi gözlənilir.
