Microsoft və OpenAI şirkətlərini ortaqlıqlarını daha da inkişaf etdirib. Belə ki, ChatGPT süni intellekt aləti artıq Bing axtarış sistemindən istifadə edəcək. Bu qərar ilə Google, süni intellekt tərəfində Bing axtarış sistemindən bir daha geri düşüb. Xatırladaq ki, Microsoft Bing axtarış mühərrikinə süni intellekti inteqrasiya etmişdi. Texnologiya nəhəngi ən çox inkişaf etmiş ChatGPT çatbotunu öz axtarış sisteminə inteqrasiya etməklə yeniliyə imza atıb. Microsoft şirkəti yeni qərarını Build 2023 konfransında elan edib. Həmçinin texnologiya nəhəngi yeniliyin sadəcə ChatGPT Plus istifadəçiləri üçün əlçatan olacağını da bildirib.
Ümumiyyətlə ötən həftələrdə ChatGPT süni intellekt alətinin beta versiyasının internet bağlantısına sahib olacağı məlum olmuşdu. İndi isə ChatGPT alətinin məhz Bing axtarış sistemi vasitəsi ilə internetə çıxış əldə edəcəyi məlum olub. Microsoft bildirir ki, yenilik artıq ChatGPT Plus istifadəçiləri üçün artıq istifadəyə verilib. Həmçinin digər ChatGPT istifadəçilərinin tədricən yenilikdən istifadə edəcəyi bildirilib. Bundan əlavə isə Microsoft şirkətinin bulud sistemi və süni intellekt üzrə vitse-prezidenti Scott Guthrie bildirib ki, ChatGPT layihəsi məhz Azure bulud infrastrukturuna sahibdir.
Ümumiyyətlə ChatGPT süni intellekt alətinin Bing axtarış sistemindən etməsi Windows istifadəçiləri üçün də şadxəbər hesab oluna bilər. Belə ki, Microsoft şirkətinin elan etdiyi Copilot virtual köməkçisi də məhz ChatGPT süni intellekt əsaslı olduğu eçün Bing axtarış sistemindən istifadə edəcək. Xatırladaq ki, bir çox texnologiya nəhəngi özünəməxsus süni intellekt aləti hazırlayır. Lakin hələlik süni intellekt sahəsində lider məhz Microsoft şirkətidir. Məhz bu səbəbdən də Bing axtarış sistemindən istifadə edənlərin sayı son dövrlərdə ciddi miqdarda artmışdır.
