Hamımızın bildiyi kimi RAR, ZIP ilə birlikdə, özünəməxsus proqramlar ilə sıxışdırma və ya bəzən arxivləşdirməyə yarayan fayl formatıdır. Windows üçün hal-hazırda ən aktual istifadə edilən fayl arxivçiləri WinRAR və 7-ZIP-dir. Bir sözlə, .rar və .zip uzantıları ilə arxiv faylları yaratmaq üçün WinRAR və 7-ZIP kimi proqramlardan istifadə edə bilərsiniz.
Belə ki, Windows artıq bu proqramları istifadədən kənarlaşdırmaq niyyətindədir. Windows istifadəçilərinin bəlkə də illərdir arzu etdiyi yenilik kimi Windows 11-in RAR və bir sıra digər arxiv formatları rəsmi olaraq dəstəklənəcəyi elan edilir. Çoxlu faylların arasında itib-batan insanlar üçün bu yenilik heç bir əlavə proqramlara ehtiyac olmadan arxivləmələri mümkünləşdirəcək.
“Biz libarchive açıq mənbə layihəsindən istifadə edərək, tar, 7-zip, rar, gz və daha çox daxil olmaqla əlavə arxiv formatları üçün lokal dəstək əlavə etdik” deyə Windows rəhbəri Panos Panay ötən gün bloq yazısında bildirib. Microsoft açıqlamasında bildirdi ki, yeni formatlar üçün dəstək bu həftənin sonunda üzərində işlənən yeniləmə ilə əlçatan olacaq. İstənilən halda tar, 7-zip, rar, gz və başqalarını əlavə etmək Windows 11 istifadəçiləri üçün əladır. Bu fayllara daxil olmaq üçün artıq üçüncü tərəf proqramlarını quraşdırmanıza ehtiyac olmayacaq. Xatırladaq ki, hal-hazırda Windows sadə ZIP dəstəyinə sahibdir. Lakin bir qədər narahat olduğundan bəzi istifadəçilər ənənəvi proqramlardan istifadə edir.
