Google şirkəti artıq rəsmi Gmail hesablarını mavi işarə ilə fəqləndirəcəyini açıqlayıb. Twitter, İnstagram, Facebook və digər məşhur sosial şəbəkələrdə uzun müddətdir istifadə olunan xüsusiyyət Gmail hesablarına da əlavə ediləcək. Mavi işarələri əsas məqsədi istifadəçilərin təhlükəsizliyini təmin etməkdir. Belə ki, internet fırıldaqçılarının çoxaldığı bir dövrdə insanlar Gmail ilə də aldadılırdı. Google şirkəti bu cür problemlərin qarşısını almağa çalışacaq. Mavi işarə e-poçt göndərən hesabların şirkətlərin həqiqətəndə rəsmi hesabı olub olmadığını müəyyənləşdirməyə imkan verəcək. Bu barədə Google şirkəti özü açıqlama verib.
Google şirkəti əslində Gmail hesablarını mavi işarə olmadan da təsdiqləməyə imkan verirdi. Belə ki, şirkət 2021-ci ildə e-poçt göndərənləri təsdiqləmək üçün Brand Indıcators for Mesaage Identification yəni BIMI xüsusiyyətini təqdim etmişdi. E-poçtların təhlükəsizliyini təmin etmək üçün atılan bu addım, şirkətlərə öz loqotiplərini Gmail-ə əlavə etməyə imkan vermişdi. Bu gün isə Google bu xüsusiyyəti daha da gücləndirdi. Texnologiya nəhəngi tərəfindən paylaşılan görüntüdə Gmail hesablarının mavi işarəsinin e-poçt göndərənlərin adlarının yanında olduğu görünür. Siçanı həmin işarənin üzərinə gətirdikdə isə hesabın təsdiqlənmiş olduğu qeyd edilir.
Google qeyd edib ki, 2021-ci ildə təqdim edilən BIMI xüsusiyyətindən istifadə edən hesablar avtomatik olaraq mavi işarə ilə işarələnəcək. Yeni xüsusiyyətin yaxın günlərdə istifadəyə veriləcəyi gözlənilir. Beləliklə yaxın günlərdə hər birimiz öz poçt qutumuzda bu cür təsdiqlənmiş hesablar ilə rastlaşacıq. Maraqlı məqam odur ki, Google bu xüsusiyyəti gələcəkdə ödənişli edəcəkmi?
