Ukraynanın məşhur taksi şirkəti olan Uklon, Uklon Azərbaycan adı altında ölkəmizdə fəaliyyətə başlayıb. Qeyd edək ki, ötən günlərdə məşhur şirkət Azərbaycanda Uklon MMC kimi qeydiyyatdan keçib. Vergi xidmətinə istinadən deyə bilərik ki, Uklon MMC adlı şirkətin nizamnamə kapitalı 100 min ABŞ dollarıdır. Uklon şirkəti 2010 cu ildən bəri 500 dən çox işçisi ilə fəaliyyət göstərir. Şirkət hal-hazırda Ukraynanın 28 şəhərində fəaliyyətini davam etdirir. Ümumiyyətlə ölkəmizdə bir çox taksi şirkəti xidmət göstərir. Uklon şirkətinin də ölkəmizdə fəaliyyətə başlaması məhz bu sahədə rəqabəti artıracaq.
Qeyd edək ki, Uklon Azərbaycan taksi şirkətinin rəhbəri Ruslan Əliyev olacaq. Uklon şirkəti 2021-ci ildə Moldovada da fəaliyyətə başlamışdır. Şirkətin ilk hədəfi məhz Baltikyanı ölkələr, Polşa, Slovakiya olsa da Qafqaz regionunda da rəqabətə daxil olub. Qafqaz regionunda UBER, YANDEX, BOLT kimi taksi şirkətləri ilə rəqabətə girən şirkət Azərbaycandan sonra digər ölkələrdə də fəaliyyət göstərə bilər.
Serhii Smus, Vitaliy Dyatlenko, Dmytro Dubroskyi, Victoria Dubrovska tərəfindən qurulan taksi şirkəti hal-hazırda 50 mindən çox insan tərəfindən aktiv istifadə olunur. Ölkəmizdə fəaliyyətə başlayan Uklon Azərbaycan şirkəti Umico ilə də partnyorluq edəcək. Uklon taksi şirkəti regionda olan digər şirkətlər ilə rəqabət apara bilmək üçün daha ucuz tariflər təklif edir. Məhz bu da gələcəkdə şirkətin daha da böyüməsinə, daha çox müştəri qazanmasına gətirib çıxaracaq. Qeyd edək ki, Uklon Azərbaycan şirkəti “Paşa Holdinq” ilə eyni, Neftçilər PR. ev. 153 ünvanında qeydiyyatdan keçib.
Startap ekosistemi xəbərlərini "İnnovasiya və Rəqəmsal İnkişaf Agentliyi" ilə tərəfdaşlıq çərçivəsində oxuyursunuz.
