Bildiyimiz kimi, süni intellekt texnologiyanın və digər sahələrin müxtəlif hissələrinə tətbiq olunur. Məhz bu səbəbdən də G7 ölkələri habelə Avropa birliyi süni intellekt texnologiyasına tənzimləməyə çalışır. Yaxınlaşan təhlükələrdən biri isə süni intellektin insan əməyini əvəz edə bilməsidir. Belə ki, Dünya bankı bildirir ki, Süni intellekt növbəti 5 il ərzində dünyadakı iş yerlərinin dörddə bir hissəsini dolduraraq işsizlik yaradacaq. Ümumiyyətlə indiyə qədər süni intellekt bir çox firmalarda və zavodlarda insanları işindən edib. Süni intellektin çox tez təkmilləşməsi isə bu prosesi sürətləndirə bilər.
Hal-hazırda bir çoxumuz ChatGPT kimi süni intellekt alətlərindən istifadə edirik. Belə ki, bu alətlər çox qısa zaman ərzində hesabatlar, məlumatlar habelə məsələlər həll edə bilir. Məhz bu alətlərin daha çox təkmilləşməsi gələcəkdə işsizliyə səbəb ola bilər. Rəqəmsal texnologiyaların inteqrasiya olunması və ekoloji təmiz enerjiyə keçid kimi faktorlar da həmin iş yerlərinə təsir göstərəcəklər. Dünya bankının mütəxəssisləri hesab edir ki, yaxın 5 il ərzində qlobal əmək bazarında ciddi sarsıntılar baş verəcək. Çünki iqtisadiyyat zəifləyəcək və şirkətlər süni intellekt kimi texnologiyaları tətbiq etməyə başlayacaqlar, nəhayətində isə işsizlik problemi ortaya çıxacaq.
Hər il İsveçrənin Davos şəhərində dünya liderlərini bir araya gətirən WEF işəgötürənlərin 2027-ci ilə qədər 69 milyon yeni iş yeri yaratmaq və 83 milyon işyerini ləğv etmək fikrində olduğunu bildirib. Bu isə öz növbəsində 14 milyon işyerinin itirilməsinə səbəb olacaq. Qeyd edək ki, bu göstərici cari işyerlərinin 2%-ni təşkil edir. Dünya bankı isə şirkətlər arasında sorğu keçirib. Belə ki, sorğuda iştirak etmiş 800 şirkətin 75%-i növbəti 5 il ərzində öz işlərinə süni intellekt texnologiyasının inteqrasiya edilməsini hədəflədiyini bildirib. Sorğuya əsasən məlum olub ki, süni intellekt texnologiyası əsasən mühasibat, adminstrativ vəzifələrində çalışan işçilər arasında işsizlik problemi yarada bilər. Analitiklər hesab edirlər ki, ekoloji təmiz texnologiyalara keçid üçün nəzərdə tutulmuş investisiyalar sayəsində yeni iş yerləri yaratmaq mümkün olacaq.
