Kosmosdakı minlərlə peyk yerdəki hakerlərdən nə qədər qorunur? Bu sualın cavabını tapmaq üçün Avropa kosmik agentliyi peyklərin təhlükəsizliyi barədə tədbir keçirib. Tədbirdə hakerlər Ops-SAT nano peykini nəzarətə götürməyə çalışmalı idi. Bunun üçün isə Avropa Kosmik agentliyi kibertəhlükəsizlik mütəxəssislərinə müraciət edib. Məhz bundan sonra kibertəhlükəsizlik mütəxəssisləri peyki nəzarətə götürmək üçün hakerlər kimi hücuma keçdilər. Yekunda isə onlar peykin bütün funksiyalarına nəzarət edə bildilər.
Hakerlər Ops-SAT nano peykini necə ələ keçirdilər?
Avropa Kosmik agentliyi baş tutmuş tədbirin hesabatını ictimaiyyətə təqdim edib. Belə ki, hesabatda kibertəhlükəsizlik mütəxəssislərini peyki necə əldə keçirdiyi qeyd olunub. Onlar ilk öncə nəzarəti əldə etmək üçün standart giriş hüquqlarından istifadə ediblər. Daha sonra isə müxtəlif zəif tərəfləri müəyyənləşdirərək onlardan istifadə ediblər. Bu zəifliklərə zərərli kod əldə edən hakerlər qısa müddət ərzində Ops-SAT peyki üzərində nəzarəti ələ keçirib. Belə ki, onlar artıq bort kamerası tərəfindən çəkilən görüntülərə, yerə göndərilən məlumatlara nəzarət edə bilirdilər. Maraqlısı odur ki, hakerlər peyki ələ keçirsə də, heçkim onların bunu etdiyini bilmirdi. Çünki, onlar öz hərəkətlərini də gizlədə bilirdilər.
Təlimdən sonra kibertəhlükəsizlik mütəxəssisləri peykin necə qorunduğunu da qeyd ediblər. Onlar peykin kibertəhlükəsizliyinin artırılması məqsədi ilə zəif tərəflərini, çatışmazlıqlarını qeyd ediblər. Ümumiyyətlə bu gün, kosmosda yüzlərlə kosmik peyk var. Bu peyklərin bəzilərinə fərqli dövlətlər nəzarət edir. Bu peyklərin hakerlər tərəfindən ələ keçirilməsi dövlətin təhlükəsizliyi üçün də böyük təhlükə yaradır. Lakin Avropa Kosmik agentliyinin keçirdiyi tədbirdə peyklərin zəif tərəfləri müəyyən olduğu üçün onları ələ keçirmək gələcəkdə daha çətin hal alacaq.
