Startup Grind Baku və FemTech-in birlikdə əməkdaşlığı ilə növbəti Azərbaycanın startap ekosistemi mövzusunda FemTalk seriyamız baş tutdu. Burada Azərbaycanın startap ekosistemi və qlobaldakı şanslar mövzusunda panel sessiya keçirdik. Mövzunun müzakirəsini təcrübəli ekosistem oyunçuları Leyla Hacıyeva, Orxan Nəbiyev və Ramin Əkbərov ilə birlikdə edildi. Panel sessiyamızda hal-hazırda startap ekosistemində hansı şanslar mövcuddur, bu şansları necə əldə etmək olar, Universitetlərdə startaplara dəstək necədir eləcə də qlobaldakı şanslar hansılardır mövzularında bütün suallara cavab tapıldı. Həmçinin, sizlərdən gələn suallar da cavablandırıldı.
Spikerlərimizdən Leyla Hacıyeva İnnovasiya Həvəskarı və Məhsul Meneceridir. Orxan Nəbiyev 10 il potensialın yaradılması, layihələrin hazırlanması, operativ icrası və idarə edilməsi sahəsində çalışıb. Hökumət, beynəlxalq təşkilatlar, diplomatik qurumlar, QHT-lər, media, KOM-lar və akademik sektorlarla müxtəlif fəaliyyətlərdə və layihələrdə iştirak edib və əməkdaşlıq edib. Həmçinin Orxan Nəbiyev institusional dəyişiklik və effektivliyin təmin edilməsində və transsərhəd təşəbbüslərin irəli sürülməsində uğurlu olmuşdur. Beynəlxalq İnkişaf Layihələrində 4 il, KOM/QHT-lərin institusional inkişafı və bacarıqlarının artırılması sahəsində isə 6 illik təcrübəyə də sahibdir.
Ramin Əkbərov isə Həyat Fəaliyyətinin Təhlükəsizliyi Mühəndisi və Nüvə Kimyası üzrə fəlsəfə doktorudur. Elmi-texnoloji təşəbbüslərin təklif etdiyi məhsulların texniki analizini peşəkar səviyyədə həyata keçirə bilir. Akademik və biznes bilikləri və innovasiya sahəsində təcrübəsi ona bazar tələblərinə cavab verən və dəyər yaradan məhsullar təklif etməyə imkan verir.
